რა უნდა ასწავლოს კახა კუჭავამ უმრავლესობის წევრებს? – ხატია დეკანოიძე

 ენმ-ის წევრმა, ხატია დეკანოიძემ პარლამენტის თავმჯდომარეს, კახა კუჭავას მიმართა:

“ძალიან დიდი ხანი სამართალდამცავ უწყებაში ვმუშაობდი, მაგრამ ასეთი ახლო შეხება და ძალადობა მე პირველად ვნახე დეპუტატების მხრიდან დეპუტატებზე. ბატონო კახა, ეს ახალისებს ქუჩაში ძალადობას. როდესაც დეპუტატი კაცი პროტესტის გამოხატვის ფორმას ახშობს და ქალს ეხება ფიზიკურად და მოქალაქე ხედავს, რომ ამ დეპუტატებზე არავითარი რეაგირება არ აქვს და მოქალაქე უყურებს, რომ ქალზე ძალადობა შესაძლებელია, ამით მათ შორის თქვენი მიღებული კანონები, რაც დისკრიმინაციას შეეხებოდა, წყალში იყრება. რა აზრი აქვს რამეს, თუ თქვენთან დასალაპარაკებლად დეპუტატს შეუძლია იღლიებში ხელი ამოსდოს ქალს და ფიზიკურად გაათრიოს. როგორ შეიძლება ასეთი რამ…

ბატონო კახა, მე მინდა, რომ თქვენ ამ ადამიანებს, ქალებს, ყველას გასცეთ პასუხი. ძალადობა არის დაუშვებელი, ქალებზე ძალადობა არ შეიძლება და ასწავლეთ ეს თქვენი უმრავლესობის წევრებს.”