“ეს ნებისმიერმა კარგმა იურისტმა იცის…” – აშშ-ის ელჩი 19 აპრილის შეთანხმებაზე

ამბობს კელი დეგნანი 19 აპრილის შეთანხმების შესრულებაზე, მედიასთან ამბობს:

“19 აპრილის შეთანხმება ცხადად და აშკარად ამბობს, რომ მოსამართლეთა დანიშვნები უნდა შეჩერდეს მანამ, სანამ არ გაიმართება ფართო, ინკლუზიური და მრავალპარტიული განხილვები, რომელიც ამბიციურ სასამართლო რეფორმას მოიტანს. არ ყოფილა არც ინკლუზიური მრავალპარტიული პროცესი, არ ყოფილა არც სასამართლო სისტემის ამბიციური რეფორმა, ამიტომ სასამართლოში დანიშვნები უნდა შეჩერდეს. ამ მიმართულებით შეთანხმება ძალიან ცხადია. მე არ ვფლობ ინფორმაციას არანაირ გვერდით შეთანხმებასა თუ ვერბალურ შეთანხმებაზე და ვიცი მხოლოდ ის, რაც დოკუმენტში წერია და რასაც ხელი მოაწერეს „ქართულმა ოცნებამ“ და სხვა პოლიტიკურმა პარტიებმა 19 აპრილს. როგორც ნებისმიერმა კარგმა იურისტმა იცის, რომ როდესაც შეთანხმებას აწერ ხელს, ეთანხმები იმ პირობებს, რომლებიც მასშია მოცემული“, – განაცხადა კელი დეგნანმა ჟურნალისტებთან კომენტარში 17 ივლისს, USAID YES-Georgia-ს პროგრამის ორგანიზებით გამართულ 100 ქალი მეწარმის მიერ შექმნილი ხელნაკეთი ნივთების გამოფენა-გაყიდვაზე.