“შსს-მ ვერ მოითმინა, სანამ ლექსოს უკანასკნელ გზაზე გავაცილებდით…” – ვასილ დაბრუნდაშვილი

ვასილ დაბრუნდაშვილი, “ტვ პირველთან” ამბობს:

“ეს არ არის ერთი კონკრეტული ოჯახის ტრაგედია, ეს არის მთელი ქვეყნის ტრაგედია.

მინდა ყურადღება გავამახვილო შსს-ს ვერსიაზე, რომელსაც განუწყვეტლივ ვისმენთ ამ დღეებში, მორალისგან არის სრულიად დაცლილი ის ვერსიები, რომელსაც ავრცელებს შსს, თითქოსდა ჩვენი კოლეგა ჩავიდა ფონიჭალაში და იყიდა ნარკოტიკი. შემთხვევითი არ არის, რომ ერთ-ერთი მედიასაშუალება, პირველივე ბრიფიონგზე სვამს შეკითხვას, იმასთან დაკავშირებით, ხომ არ მუშაობს უწყება ზედოზირებასთან დაკავშირებით.

ჩემი თვალით ვნახე, აქ ვიყავი, როგორ შევარდნენ სამართალდამცველები ლექსოს სახლში, როგორ გაიტაცეს მისი ცხედარი, ამ სიტყვის სრული მნიშვნელობით. როდესაც ცხედარი გაიტაცეს, ჩვენ უკვე ვიცოდით, რომ ამ ვერსიას დადებდა შსს. ამ ბინძური ვერსიით ხდება ამ ოჯახის განადგურება, რომელსაც ცხედარი ჯერ კიდევ აქ უსვენია. შსს-მ ვერ მოითმინა და განავითარა ეს სცენარი მანამდე, სანამ ლექსოს უკანასკნელ გზაზე გავაცილებდით.”