შსს-ს საგანგებო ბრიფინგი
შსს ასაჯაროებს ლექსო ლაშქარავას გადაადგილების კადრებს და ამბობს, რომ 10 ივლისს ის ჯერ აფთიაქში იყო მეგობართან ერთად ბახტრიონის ქუჩაძე, შემდეგ გადაადგილდება ფონიჭალის მიმართულებით ორჯერ, ერთხელ შუადღის საათებსა და მეორედ, საღამოს საათებში, საღამოს, ფონიჭალიდან, შსს-ს თქმით, იგი გადაადგილდება დედაენის ბაღის მიმართულებით, საიდანაც ბრუნდება სახლში. შსს-ს განცხადებით, ამ მომენტისთვის სავარაუდოდ, იგი არაფხიზელ მდგომარეობაში იმყოფებოდა.
როგორც ჩანს, ქალაქში ახალი ვიდეოკამერებია დაყენებულია და ისინი სიფხიზლის ტესტსაც მომენტალურად ატარებენ.
კითხვაზე, როგორ ივარაუდა შსს-მ რომ ლექსო არაფხიზელ მდგომარეობაშია, შსს პასუხობს, რომ შეგვიძლია თავად ვნახოთ კადრები… თუმცა, კადრების მიხედვით, როგორ გაარკვია, არაფხიზელ მდგომარეობაში იყო, თუ უკვე ცუდად იყო, ან რამე აწუხებდა – ამაზე შსს არ საუბრობს.
ასევე, როგორც ჩანს, შსს-ს ისევ მიგვანიშნებს ნარკოტიკზე, სავარაუდოდ და ამ განცხადებით, ამბობს, რომ იცის, სად იყიდება ნარკოტიკი და შემდეგ სად მოიხმარენ მათ, თუმცა, ამ დრომდე რამე ტიპის სპეცოპერაცია შსს-ს ფონიჭალაში, ან დედაენის ბაღში არ ჩაუტარებია.
შსს ამბობს, რომ ყველა ვერსიაზე მუშაობს, მაგრამ, რამდენ ვერსიაზე მუშაობს და რატომ საუბრობს მხოლოდ ერთ ვერსიაზე, არ აკონკრეტებს.
ვიდეო, რომელსაც შსს ავრცელებს:
კომენტარები