დღეს დილით, თბილისის დროით 10:26 საათზე, ნინოწმინდის მუნიციპალიტეტის სოფელ სამებასთან, საქართველო-სომხეთის საზღვართან 3.2 (ML) მაგნიტუდის სიდიდის მიწისძვრა მოხდა.
დედამიწის შემსწავლელ მეცნიერებათა და სეისმური მონიტორინგის ეროვნული ცენტრის ვებ-გვერდზე გამოქვეყნებული მონაცემებით, სოფელ სამებასთან ეს 6 ივნისის შემდეგ უკვე მეათე მიწისძვრაა.
„რადიო თავისუფლებას“ ცენტრში განუცხადეს, რომ ერთი და იგივე ადგილას დაფიქსირებული მიწისქვეშა ბიძგები „რაიმე განსაკუთრებულის მიმანიშნებელი არ არის“.
„ჩვენთან ორი აქტიური ზონაა გამოყოფილი, ესაა რაჭის რეგიონი და სამცხე-ჯავახეთი. ასე იცის რაჭამაც – მიწისძვრები ხდება ერთი და იგივე ადგილას“, – აცხადებენ ცენტრში და განმარტავენ, რომ სამცხე-ჯავახეთის აღნიშნულ ზონაში ბოლო პერიოდში უფრო პატარა მიწისძვრებიც მოხდა, რაც საიტზე დაფიქსირებული არ არის. ვინადან 3 მაგნიტუდის სიმძლავრეზე ნაკლები მიწისძვრები ინტერესის საგანს არ წარმოადგენს.
წყარო – რადიო თავისუფლება
კომენტარები