“გრიმოს 12”-ის დამფუძნებელი, ალექსანდრე ლორთქიფანიძე, სოციალურ ქსელში, წერს:
“საერთოდ არ გამოსულა დღეს რუსთაველზე ლგბტ თემი. საერთოდ. გააუქმეს პრაიდი.
მიუხედავად ამისა მივიღეთ ათობით დაშავებული, ნაცემი, დასისხლიანებული ადამიანი, დამტვრეული ტექნიკა და განადგურების გავეშებული, ველური სურვილი.
ეს აგრესია ობიექტს ეძებს და სადაც სუსტია, იქ პოულობს. 20 კაცი ერთს ურტყამს, ადამიანი მოტოციკლეტით ეჯახება პატარა გოგოს, სხვა ადამიანი დროშის ტარით თვალს უხეთქავს მამაკაცს.
არცერთი მსხვერპლი არაა ლგბტ თემის წარმომადგენელი. ეს სიძულვილი, რომელიც დღეს მედიამ იწვნია, ხვალ სხვას მიემართება, მაგრამ აგრესია არსად არ წავა, ერთადერთი გამოსავალი ისაა, რომ ისეთმა ავტორიტეტულმა ინსტიტუტმა, როგორიცაა ეკლესია, შემწყნარებლობა იქადაგოს და ძალადობა დაგმოს, სახელმწიფომ კი დაიცვას კონსტიტუცია, კანონი და წესრიგი. დღეს არათუ ძალადობაა წახალისებული და კონსტიტუციაა შელახული, არამედ მთელი უბედურება ისაა, რომ ეს ქმედება თავად ეკლესიის და სახელმწიფოს მიერაა ხელშეწყობილი.
მძიმეა ამის ყურება. ძალიან მძიმე.”
კომენტარები