ფოტო – ტაბულა
ლოკაციაზე, სადაც თბილისი პრაიდის კვირეულის ფარგლებში ფილმის ჩვენებაა დაგეგმილი, ვითარება კვლავ დაძაბულია.
კონტრაქციის წარმომადგენლები საავტომობილო გზის გადაკეტვას ცდილობენ, თუმცა მათ პოლიცია ამის საშუალებას არ აძლევს.
დაპირისპირებისას სამართალდამცველებმა 11 ადამიანი დააკავეს.
როგორც შსს-ს საზოგადოებასთან ურთიერთობის სამსახური აცხადებს, მათი დაკავება ადმინისტრაციული წესით მოხდა.
აქტივისტების მისამართით ქვებიც ისროლეს. კონტრაქციის მონაწილეები ამბობენ, რომ პრაიდის კვირეულის ჩაშლას აპირებენ, მათ შორის აპირებენ კვირეულის პირველი ღონისძიების ჩაშლასაც.
ადგილზე იმყოფებიან გურამ ფალავანდიშვილი, ალტ ინფოს და ლევან ვასაძის “ერის” წარმომადგენლები.
ისინი გეგმავენ, 4 ივლისის ღამით მეტრო რუსთაველთან კარვები გაშალონ და პრაიდს ხელი შეუშალონ.
კომენტარები