რის დაწერას სთხოვს კობიაშვილის მეუღლე ხალხს?

მერაბ კობიაშვილის მეუღლე, ნატა ქიტესაშვილი, სოციალურ ქსელში, წერს:

“მეგობრებო, მჭირდება ხელმოწერები… ვინც ფიქრობს რომ მერაბი უდანაშაულოა, ვინც თვლით რომ მერაბი სასჯელს არ იმსახურებს, იქნებ ამობეჭდოთ შემდეგი ტექსტი და შემიგროვოთ ხელმოწერები და მერე მიმაწოდოთ….
“მერაბ კობიაშვილი არასდროს ყოფილა ნასამართლევი, არასდროს ყოფილა შემჩნეული კანონის დარღვევაში. არის მშვიდი, გაწონასწორებული, უკონფლიქტო ადამიანი, რომელსაც მრავალჯერ გაუწვდენია დახმარების ხელი გაჭირვებაში მყოფი ადამიანებისთვის. მერაბ კობიაშვილი არის პატრიოტი, სამშობლოსთვის თავდადებული ადამიანი. ის იბრძოდა 2008 წლის რუსეთ-საქართველოს ომში, სადაც მიიღო ტრავმა და არის ომის ვეტერანი. ასევე მსახურობდა ერაყისა და ავღანეთის ყველაზე ცხელ წერტილებში. ის არის თავისი ქვეყნის ერთგული შვილი, რომელიც ყოველთვის მზად არის თავი შესწიროს სამშობლოს ინტერესებს.
სწორედა მისი დადებითი თვისებების, მისი პიროვნების, იმის გამო, რომ არის ქვეყნის წინაშე მრავალი დამსახურების მქონე ღირსეული მოქალაქე, საზოგადოების აბსოლუტური უმრავლესობა, მედიაში გავრცელებული კადრებიდან გამომდინარე, მხარს უჭერს მერაბს და მის გათავისუფლებას ითხოვს.
გვსურს, კიდევ ერთხელ დავაფიქსიროთ ჩვენი უდიდესი პატივისცემა და მხარდაჭერა მერაბ კობიაშვილის მიმართ.”
ვერ ვტვირთავ ვერც პდფ და ვერც ვორდის ფაილს, თუ დაგჭირდებათ ფორმას გადმოგიგზავნით….
მადლობა წინასწარ კიდევ ერთხელ ?”