“სხვა რამე 2” – ეს ისაა, რაც გვგონია, თუ ეს ის არაა, რაც გვგონია? – რას ამბობს კობახიძე გახარიას პარტიაზე?

საპარლამენტო უმრავლესობის წევრმა ირაკლი კობახიძემ ჟურნალისტების კითხვას ხომ არ არის “გიორგი გახარია ქართული ოცნების პროექტია”, ასე უპასუხა:

“შეხედეთ რომელი ტელევიზიები აპიარებენ გახარიას და ნახავთ, ეს არის “ოცნება 2” თუ “სხვა რამე 2″…

მას აქვს ერთადერთი ამოცანა, რომ რაღაცნაირად მოახერხოს და 43%-ს დაუახლოვოს ქართული ოცნება, თუმცა ეს ამოცანა შესრულებადი არ არის არც მისი და არც რომელიმე სხვა ოპოზიციური პარტიის მხრიდან.”

შეგახსენებთ, გუშინ გიორგი გახარიას ბრიფინგზე, არ მივიდა “ტვ იმედი” და “პოსტ ტვ”, რითიც, “ოცნებას” მიეცა იმის თქმის საშულება, რომ, ოპოზიციური არხები აპიარებენ გახარიას, თუმცა, თუ ეს ასეა, მაშინ გამოდის, “ოცნება” ღიად აღიარებს, რომ “იმედი” და “პოსტ ტვ” სახელისუფლებო არხებია.

კობახიძე არასწორად სვამს კითხვას, წესით, ის ახლა უნდა კითხულობდეს, “იმედს” და “პოსტ ტვ”-ს რატომ არ აქვთ გახარიასთან მწვავე კითხვები და რატომ გამოტოვეს კითხვების დასმის საშუალება პირდაპირ ეთერში?

შეგახსენებთ, გიორგი გახარიამ “ტვ იმედი” გააკრიტიკა არ მისვლის გამო, ისიც თქვა, რომ ახლა შეეპარა ეჭვი, ხომ არ არის “იმედი” სახელისუფლებო არხი, თუმცა, რამდენჯერმე აღნიშნა, რომ “იმედი” ყველაზე რეიტინგული არხია