ზაზა წერეთელი – მედიცინის მეცნიერებათა დოქტორი, ნორვეგიის სამეფოს ჯანდაცვის სამინისტროს უფროსი მრჩეველი:
ჩინური ვაქცინების ისტრიებიდან
გუშინ ბაჰრეინმა დააფიქსირა კორონავირუსით გამოწვეული გარდაცვალების რეკორდული მაჩვენებელი, 28 ადამიანი, და სპარსეთის ყურის ეს სახელმწიფო ცდილობდა ახალი პანდემიის ტალღის შეკავებას.
დაახლოებით 1.5 მილიონი მოსახლეობის კუნძულ-ქვეყანას მსოფლიოში ვაქცინაციის ერთ-ერთი ყველაზე მაღალი მაჩვენებელი აქვს, მისი მოსახლეობის 51 პროცენტზე მეტი გასული კვირის ბოლოს მიღებული აქვს მინიმუმ ერთი კორონავირუსის ვაქცინის დოზა. და აი ამ ქვეყანაში გასულ კვირას დაფიქსირდა 3100-ზე მეტი ახალი ინფექცია და ახლა ქვეყანაში 23000-ზე მეტი აქტიური შემთხვევაა, განაცხადა ქვეყნის ჯანდაცვის სამინისტრომ.
ბაჰრეინმა დაამტკიცა კორონავირუსის ხუთი ვაქცინა და მეზობელი არაბთა გაერთიანებული საემიროების მსგავსად, მან ჩინეთის სინოფარმის ვაქცინის ყველაზე ადრე გამოყენება დაიწყო. გამოკვლევების თანახმად, ამ ვაქცინის ეფექტურობა 79 პროცენტია სიმპტომური ინფექციის საწინააღმდეგოდ.
გასულ კვირას ორივე ქვეყანამ განაცხადა რომ დაიწყებდა მესამე დოზის გამოყენება ადამიანთა დიდი ჯგუფებისთვის, რომლებმაც მიიღეს სინოფარმის ვაქცინები მინიმუმ ექვსი თვის წინ, რამაც კიდევ ერთხელ განამყარა ის ეჭვები ჩინური ვაქცინის ეფექტურობის შესახებ ე.წ. “რეალურ სამყაროში”.
მთავრობის წარმომადგენლების განცხადებით, ბაჰრეინში კორონავირუსით გარდაცვლილთა დაახლოებით 5 პროცენტს მიიღებული ჰქონდა ვაქცინის მინიმუმ ერთი დოზა. ”[ეს] ადასტურებს, თუ რამდენად მნიშვნელოვანია ვაქცინაციის როლი იმუნიტეტის დონის ამაღლებასა და იმუნიზაციაზე”, – თქვა სახელმწიფო სააგენტომ ჯანმრთელობის დაცვის სამინისტროზე დაყრდნობით.
ოფიციალური წარმომადგენლები ბაჰრეინის ინფექციების ბოლოდროინდელ ზრდას მიაწერენ დღესასწაულს, რომელითაც დასრულდა რამადანის მარხვის თვე, როდესაც მუსულმანებისთვის სადღესასწაულო ღონისძიებების შეკრება ხდება.
ქვეყანამ მხოლოდ ორშაბათს შეაჩერა შესვლა მოგზაურების უმეტესობისთვის, სამხრეთ აზიის ხუთი ქვეყნიდან ინდოეთის ჩათვლით, სადაც პირველად იქნა დაფიქსირებული ძალიან ინფექციური B.1.617.2 ვარიანტი (ე.წ ინდური შტამი).
კომენტარები