საქართველოს დაავადებათა კონტროლისა და საზოგადოებრივი ჯანდაცვის ცენტრის ხელმძღვანელის, ამირან გამყრელიძის თანახმად, ამ დროისათვის საქართველოში აცრილი სამედიცინო პერსონალის რაოდენობა 5 000 ადამიანს შეადგენს. მისივე ინფორმაციით, 15 მაისამდე დაჯავშნილ 22 000 ვაქცინაციას შორის, 4000 სამედიცინო პერსონალს ეკუთვნის.
საქართველოში, სამედიცინო სფეროს 71 ათასზე მეტი წარმომადგენელია აღრიცხული. მათ შორის, ექიმები, ექთნები, სანიტრები. ამირან გამყრელიძე აღნიშნავს, რომ სამედიცინო პერსონალის ვაქცინაციის მაჩვენებელი დაბალია. რაც შეეხება ზოგად სურათს, დღევანდელი მონაცემებით ქვეყანაში სულ 35 000 ადამიანია აცრილი.
ამირან გამყრელიძე:
„დღევანდელი რიცხვით აცრილია ქვეყანაში 35 000-მდე ადამიანი. გუშინ გვქონდა ყველაზე მაღალი 24 საათში, 1600-მდე აცრა, მაგრამ ეს არ არის საკმარისი. ჩვენ დღეს ყოველდღიურად გვჭირდება სადღაც 2-დან 3 000-მდე აცრა და შემდეგ თანდათან ეს უნდა მოვუმატოთ და ივლისისთვის უნდა ავიდეთ ყოველდღიურ აცრებზე 10-დან 12 000-მდე მაინც, რომ სამიზნე მაჩვენებლებზე გავიდეთ“
კომენტარები