“ქართული ოცნების” ლიდერს, მამუკა მდინარაძის მიხეილ სააკაშვილის შიმშილობის არ სჯეროდა და ამბობდა, რომ შიმშილობის 41 დღეს ის სასაცილო მდგომარეობაში აღმოჩნდება.
მას აქვს ახლა ერთი კოზირი ხელში, რომ მისი ნებართის გარეშე იუსტიციის სამინისტრო ვერ იმსჯელებს და ვერ გაახმოვანებს. შესაბამისად, მას ეს კოზირი შეუძლია გამოიყენოს და ამ შემთხვევაში, ჩემი აზრით, იყენებს ძალიან ცუდად და 41 და 57-ე დღეს აღმოჩნდება სასაცილო მდგომარეობაში, – განაცხადა მდინარაძემ.
უცნაურია, მაგრამ ფაქტია, მაგალითად, თაფლის ამბავი ისე გამოიტანა გარეთ “ოცნებამ”, სააკაშვილის ნებართვა არ უთხოვია. არც ამის შემდეგ დასჭირვებია ნებართვა, არც ერთი ვიდეოს გამოქვეყნებისას.
როგორც ხედავთ, 41 დღე სააკაშვილის შიმშილობიდან გავიდა უკვე და ექიმების ახალი დასკვნები სულაც არ არის სასაცილო, პირიქით, უფრო და უფრო დაჟინებით ითხოვენ მის გადაყვანას კერძო კლინიკაში და ფატალურ შედეგზე საუბრობენ.
41 დღე გავიდა და არც ოცნებას უჩანს საქმე სასაცილოდ, დღეს ისინი ღიად ამბობენ, რომ შესაძლოა, სახალხო დამცველი და ექიმები, რომლებმაც სააკაშვილის ჯანმრთელობის შესახებ დასკვნას მოაწერეს ხელი – დააპატიმრონ. ექიმების პასუხი კი ასეთია – “გინდათ ომი? ვიომოთ!”
41 დღე გავიდა და ხელისუფლებამ ექიმთა ერთი პატარა ჯგუფიც ვერ იპოვა ქვეყანაში, თუ მის გარეთ, რომელიც მმართველი გუნდის ვერსიას გაჰყვებოდა და საპირისპირო დასკვნას დაწერდა – იქნებ ესაა ის სასაცილო მომენტი, რომელზედაც მდინარაძე პასუხობდა?
თუმცა, მამუკა მდინარაძე მაშინ თქვა – “41 და 57-ე დღეს სააკაშვილი აღმოჩნდება სასაცილო მდგმარეობაში”, როგორც ჩანს, იგი ახლა 57-ე დღეს ელის.
კომენტარები