ტვ პირველის ცნობით, მოქალაქეთა წამების კადრებს პოლიციელები თავად იღებდნენ და საერთო ჩათში აგზავნიდნენ და საუბარია, ამ ეტაპზე 5 ვოდეო-მასალაშის მოპოვებაზე სადაც პოლიციაში წამებისა და არაადამიანური მოპყრობის ფაქტები ჩანს.
მედიის ცნობით, – სახეზეა მინიმუმ სამი დაზარალებული.
პოლიციელთა მხრიდან სასტიკი დანაშაულის ჩადენის მტკიცებულება “შაბათის ეთერს” ერთ-ერთი პატიმრის, გიორგი კვიცარაძის ოჯახმა მიაწოდა. დედის თქმით, კვიცარიძემ პოლიციელების შიდა მიმოწერების ჩატში შეღწევა შეძლო და სისტემის მამხილებელი კადრები, რომელსაც პოლიცილები ერთმანეთს უგზავნიდნენ გადმოწერა.
ოჯახი ამბობს, რომ 32 წლის კაცი, რომელმაც ეს ჩატი გატეხა და ფაილები გადმოწერა, ნარკოტიკების რეალიზების მუხლით დააკავეს. [დედა შვილის დაკავებას მამხილებელი ვიდეო-მტკიცებულებების გაჟონვას უკავშირებს].
ჯამში დედის ინფორმაციით გიორგი კვიცარიძემ სამართალდამცველების შიდა მიმწერების ჩატიდან პოლიციის განყოფილებებში ხალხი წამების ამსახველი 32 ვიდეო-ფაილის გადმოწერა შეძლო.
ერთ-ერთი ვიდეომასალაში ცხადად ჩანს იძულება – უარის შემდეგ ახალგაზრდა კაცს, თავს კედელზე არტყმევინებენ.
პოლიციაში დაკითხვაზე მიყვანილი ახალგაზრდების წამების ზოგიერთ კადრში შესაძლებელია, სავარაუდო მოძალადე პოლიციელების გარჩევა, ისმის მათი ხმები და ჩანს ნაწილის სახეც.
პირველი ვიდეომასალა პოლიციის შენობაშია გადაღებული – კადრში ორი სამართალდამცველი ჩანს, თუმცა ვიდეომასალის დეტალურად გაშიფვრის შემდეგ ჩნდება განცდა, რომ ოთახში უფრი მეტნი არიან. ორივე პოლიციელი მოქალაქისგან სასურველი ჩვენების მიღებას ცდილობს. ეს ვიდეომასალა, სავარაუდოდ, არა პოლიციელებისთვის განკუთვნილ კაბინეტში, არამედ ე.წ. უკანა ოთახშია გადაღებული. აქ ჩანს ორი გამავალი კარი და ვიწერო ოთახი. კარგად ჩანან მოძალადე პოლიციელები. აქედან ერთი შეიარაღებულია და შინაგან საქმეთა სამინისტროს კრიმინალური პოლიციის ფორმა აცვია, მეორე სამოქალაქო ფორმაშია ჩაცმული, ჯიბეზე მიმაგრებული გასაღებით და მეხსიერების ბარათით.
კადრების მიხედვით, ტერორის მსხვერპლი ახალგაზრდა მოძალადე პოლიციელების მოთხოვნას აღიარებასთან დაკავშირებით არ თანხმდება, რასაც ჯგუფური ძალადობა მოჰყვა.
კიდევ ერთ ვიდეო ფაილში ახალგაზრდა ბიჭი ჩანს, რომელიც პოლიციის შენობაში სავარაუდოდ გადამოწმების მიზნით ჰყავთ მიყვანილი. კადრში ჩანს, რომ ერთ-ერთი სამართალდამცავი ჯერ მის სხეულზე ე.წ. ტატუებს მობილურით იღებს, მეორე კი ახალგაზრდას ცემს და აგინებს. წუთნახევრიან ვიდეოში ისმის მოძალადე პოლიციელების ხმაც – ისინი უკვე ნაცემ ახალგაზრდას აიძულებენ, აგინოს ერთ-ერთ ე.წ. კანონიერ ქურდს. ვიდეო ფაილით დგინდება, რომ მსხვერპლმა ე.წ. კრიმინალურ სამყაროს არ აგინა, რასაც მისი სასტიკად ცემა მოჰყვა.
კომენტარები