კორონავირუსის სიმპტომების მქონე საქართველოს მოქალაქეს სამედიცინო დახმარებაზე უარს ეუბნებიან.
“ნიუპოსტს” საკარანტინე ზონიდან დაუკავშირდა ახალგაზრდა ქალი, რომელიც ამბობს, რომ ის უკრაინიდან ორი დღის წინ ჩამოვიდა და საქართველოში მოქმედი პროტოკოლის თანახმად, საკარანტინე ზონაში განთავსდა. დილიდან მაღალი ტემპერატურა უფიქსირდება, ექიმმა კი სატელეფონო კონულტაციისას უთხრა, რომ სიცხის დამწევი დალიოს და “ხვალ მოხედავენ”.
“39.3 მაქვს სიცხე. ჩამოვედით უკრაინიდან. სასტუმრო „სპუტნიკში“ ვიმყოფებით. დავრეკეთ სასწრაფოში და გამოვიძახეთ. მერე იქ ვიღაც ექიმი ჰყოლიათ, ვინმე მანანა ვარშალომიძე, რომელმაც გვითხრა სტაციონარში გადაყვანა არ გჭირდებათ „პარაცეტამოლი“ დალიეთ და დილით მოგხედავთ, ახლა ადგილი არ არისო…
წამალიც კი არ მომიტანეს, თავიდან მითხრეს, სტაციონარში ადგილები არ გვაქვსო. შემდეგ რომ ვხმაურობდით, დაგვირეკეს სასწრაფო მოვაო და ერთი საათია ჩაცმული ველოდები. თუ ადგილი არ არის, გადასხმა მაინც გაგვიკეთონ” – უთხრა „ნიუპოსტს“ მოქალაქემ
უკრაინიდან ჩამოსული ქალის ახლობელი ამბობს, რომ ექიმმა მასაც უხეშად უპასუხა: “პირადად ვესაუბრე ქალბატონ მანანას. ვკითხე, დილამდე რომ გართულდეს სიტუაცია, პასუხისმგებლობას იღებთ-თქო და რას მეკითხები, ვინ ხარ შენო, ბავშვი ხომ არ არის, დილამდე გაძლოსო და გამოთიშა ტელეფონი”- აცხადებს „ნიუპოსტთან“ მოქალაქე.
კომენტარები