ხმაურია მესხეთში – საქართველო-თურქეთის სასაზღვრო ზონაში, ბუზმარეთის ეკლესიასთან კათოლიკე მორწმუნეებს არ უშვებენ. პოლიციელები კათოლიკე სასულიერო პირებს ადგილზე არ უშვებენ, მოტივით, რომ იქ მართლმადიდებლური წირვა ტარდება.
კათოლიკე მღვდელი, კონსტანტინე აკოფაშვილი ამბობს, რომ წინა წლების მსგავსი შემთხვევების თავიდან აცილების მიზნით, წინასწარ ითხოვეს 13:00 საათზე წირვის ჩატარება, თუმცა “დაპირისპირების საფრთხის” მიზეზით 15:00 საათამდე ადგილზე არ უშვებენ.
“ამაღლების დღესასწაულზე ყოველ წელს, ტრადიციისამებრ ჩვენ ამოვდივართ ბუზმარეთში, თუმცა სამწუხაროდ, დაახლოებით, 2005 წლიდან ჩვენ უბრალოდ ჩამოგვერთვა ეს ეკლესია, სადაც ჩვენი წინაპრები ამოდიოდნენ და ლოცულობდნენ. მაგრამ ერთ დღეს ჩვენ უბრალოდ აგვეკრძალა იმ პატარა ნანგრევებთან მიახლოებაც კი, სადაც ახლა უკვე არის მონასტერი და არის მართლმადიდებლური ეკლესია. შარშან იყო მცირედი დაპირისპირება ამ ორ მხარეს შორის, მაგრამ წელს ჩვენ წინასწარ გავაგზავნეთ წერილი, ჩვენ გადავწიეთ წირვა 12-დან 13:00 საათზე, რომ არ მომხდარიყო მცირედი დაპირისპირებაც კი და ვთქვით, რომ პირველ საათზე ავალთ, წირვას ჩავატარებთ. არათუ იმ ეკლესიასთან ახლოს, რომელიც დიდი კლდით არის შემოღობილი, უბრალოდ ცალკე, გვჭირდებოდა 30 კვადრატული მეტრი, რომ წირვა ჩაგვეტარებინა. თუმცა მოვედით სასაზღვრო ზონასთან – აქ არის სუს-ი, პატრული, სასაზღვრო პოლიცია, აქ არის ჯარი… არ ვიცი, რას ემსახურება. გვეუბნებიან, რომ მრევლს შეუძლია ავიდეს ილოცოს, მაგრამ სასულიერო პირებს არ აგიშვებთო., რადგან გაუგებრობის და დაპირისპირების საფრთხე არსებობს”, – თქვა სასულიერო პირმა “ფორმულას” ეთერში.
კომენტარები