ფოტო – ტვ პირველი
36 დღიანი შიმშილობა და პატიმრობა დასრულებულია. ბექა ცერცვაძე სასამართლო სხდომიდან 16 ათას ლარიანი გირაოს სანაცვლოდ ცოტა ხნის წინ გაათავისულეს.
30 წლის ბექა ცერცვაძეს გამოძიება პრობაციის ცენტრის დაცვის თანამშრომლისთვის წინააღმდეგობის გაწევას ედავებოდა. დაკავებული კი ამტკიცებდა, რომ ის ცრუ ჩვენების საფუძველზე ციხეში მეორედ შეაბრუნეს, მანამდე კი მიაყენეს სიტყვიერი და ფიზიკური შეურაცხყოფა. გავრცელდა ასევე ქალბატონის ინტერვიუც, სადაც ის ჰყვება, რომ პირადად შეესწრო ფაქტს და როცა იკითხა, რატომ სცემდნენ ახალგაზრდას, მას უპასუხეს, რომ მასაც დააკავებდნენ, თუ არ გაჩუმდებოდა.
ბექა ცერცვაძე აცხადებს, რომ თავს დამნაშავედ არ ცნობს და ბრძოლას გაარძელებს, სანამ სიმართლეს არ დაამტკიცებს.
მადლობა ყველას გვერდში დგომისთვის. მთავარი ბრძოლა წინ გვაქვს, რომელიც ყველამ ერთად აუცილებლად უნდა მოვიგოთ. ფიზიკურად სუსტად ვარ, რაბილიტაციაა საჭირო – განაცხადა ბექა ცერცვაძემ.
მომდევნო სასამართლოს მომდევნო სხდომა 22 დეკემბერს არის ჩანიშნული.
შეგახსენებთ, ბექა ცერცვაძის გირაოთი გათავისუფლებას უამრავი ადამიანი ითხოვდა.
კომენტარები