პრემიერმინისტრ ირაკლი ღარიბაშვილის ინფორმაციით, ბათუმში, 26 მაისის ქუჩაზე ჩამონგრეული კორპუსის სამაშველო სამუშაოებში 300-მდე მაშველია ჩართული, ნანგრევებში, დაახლოებით, 15 ადამიანამდეა მოყოლილი:
“წინასწარ არ მინდა მიზეზების თაობაზე ვილაპარაკო, ბუნებრივია, გამოძიება მუშაობს ამის თაობაზე და ყველაფერს დაადგენს. არსებობს ბევრი ვერსია და მინდა დაგარწმუნოთ, რომ რა თქმა უნდა, ჩვენ ყველა კითხვას პასუხს გავცემთ. მოვისმინე შინაგან საქმეთა მინისტრისგან ვერსიები, ამის თაობაზე მანაც განაცხადა საჯაროდ, თუმცა წინასწარ არ მინდა რაიმე დასკვნის გაკეთება, ჯობია დაველოდოთ გამოძიების შედეგებს და პირველ რიგში, უნდა ვილოცოთ, რომ ეს ადამიანები გამოვიდნენ ცოცხლები”.
კომენტარები