პლენარულ სხდომაზე ევროპარლამენტარებმა Covid-19-ის ციფრულ სერთიფიკატებზე კანონპროექტს მხარი ხმათა უმრავლესობით დაუჭირეს.
სერთიფიკატის მიზანი ევროკავშირში წევრი სახელმწიფოების მოქალაქეების გადაადგილების გამარტივებაა.
სერთიფიკატი დაადასტურებს, რომ ადამიანი აცრილია, ან უარყოფითი პასუხი აქვს კორონავირუსის ტესტსზე ან ცოტა ხნის წინ გამოჯანმრთელდა Covid-ისგან. პრაქტიკულად ეს იქნება სამი განსხვავებული სერთიფიკატი.
“სერთიფიკატს გასცემს ეროვნული ორგანოები, იქნება უფასო და ხელმისაწვდომი როგორც ციფრულ ასევე საბუთის ფორმატში, რომელშიც QR-კოდი იქნება” – ნათქვამია ევროპარლამენტის პრესსამსახურის მიერ გავრცელებულ განცხადებაში.
სერთიფიკატებით გადაადგილების შესახებ კანონი ძალაში შევა 2021 წლის პირველი ივლისიდან და 12 თვის მანძილზე იმოქმედებს.
კომენტარები