პოლიტიკოსი, თეონა ჭალიძე:
რთულია იმის წარმოდგენა რასაც ყოველდღიურად განიცდიან პოლიტპატიმრების დედები, მამები, დედობილები, მეუღლეები, შვილები, დები, ძმები, ბებიები თუ ბაბუები, ანდა შეყვარებულები.
ალბათ სიტყვებით რთულია გადმოსცე ის რისი გადატანაც გიწევთ ამ უსამართლობის გამო. თუმცა თქვენ დგახართ მედგრად, რადგან გისოსებს მიღმა მყოფი, საქართველოს თავისუფლებისთვის და ევროპული მომავლისთვის მებრძოლი ადამიანების საყრდენები ხართ.ეს გისოსებიც პირობითია, რადგან სინდისის პატიმრების თავისუფლების ხარისხი ბევრ ფიზიკურად თავისუფალი ადამიანის თავისუფლებაზე მაღალია.ფაქტია თქვენი ერთობა, თქვენი ძალისხმევა, თქვენი სიტყვები, თქვენი მოთმინება და თქვენი დუმილიც კი ხან დიდად მრავლისმთქმელია და სხვისთვისაც მაგალითის მიმცემი, დამმუხტავი, გამაძლიერებელი ანდა გამომაფხიზლებელია.თქვენ პროტესტის მნიშვნელოვანი ღერძი ხართ, განა მარტო, არამედ გულშემატკივრების არმიით და მხარდაჭერით სავსეები. თქვენს გვერდითაა ყველა ვინც თავისუფლებას არ თმობს და თქვენთან ერთად სუნთქავს.ჩვენ ერთად ვიბრძვით სისტემური უსამართლობის წინააღმდეგ, რომელიც გვჭამს. არ გავჩუმდებით და არ შევეგუებით.ამიტომ მჯერა 2025 წლის 9 აპრილის აქცია გამარჯვებისკენ მიმავალ გზაზე საკვანძო თარიღი იქნება და ბრძოლა დასრულდება თქვენი, ჩვენი, ყველას გამარჯვებით. რადგან როგორც თქვით ძალა ხალხშია, ძალა ერთობაშია!პატივისცემით,თეონა ჭალიძე – ორი შვილის დედა
კომენტარები