ფრაქცია „ქართული ოცნების“ თავმჯდომარეს მამუკა მდინარაძეს, საგანგებო ბრიფინგზე, ჰკითხეს, რატომ შეიცვალა გრიგოლ ვაშაძემ აზრი, უკრაინის მიმართ საქართველოს ხელისუფლების ნაბიჯების შეფასებისას, კითხვას მდინარაძე ასე პასუხობს:
“არ ვიცი რას ნიშნავს და რატომ თქვა, მაგრამ ვხედავთ, რომ ჩვენ რადიკალურ ოპოზიციასაც და მის ცალკეულ წარმომადგენლებსაც კი, უჭირთ იმისი არაღიარება, რომ საქართველო მხარს უჭერს უკრაინას, ყველა პოლიტიკურ პლატფორმაზე. ხშირად გვხვდება ნათქვამი, რომ საქართველოს უკრაინის მიმართ არანაირი მხარდაჭერა არ გამოუხატავს, ეს არის ტყუილი და მტრობა ჩვენი ქვეყნის. საქართველოს პოლიტიკური და ჰუმანიტარული მხარდაჭერა ურყევია და სანქციებთან დაკავშირებით ჩვენი პოზიცია იცით. სამი მიმართულებიდან ორში ურყევი მხარდაჭერის არდაფიქსირება, არის საზოგადოების მოტყუება და ქვეყნის მტრობა. შესაბამისად, გრიგოლ ვაშაძე იქნება, თუ სხვა, მივესალმები მათ პოზიციას, ვინც გამონახავს თავს ზემოთ ძალას და იტყვის სიმართლეს “ომის პარტიის” მიზნების მიუხედავად.”
კომენტარები