დღეს ცნობილი გახდა რომ კახეთში ცოლ-ქმარი დახოცეს.
მოგვიანებით, გავრცელდა ინფორმაცია, რომ მკვლელობა მოხდა არასრულწლოვანის თვალწინ.
16 წლის არასრულწლოვანი რომელსაც მშობლები დაუხოცეს, “ტვ. პირველთან” იხსენებს, რომ ჯერ მამა მოუკლა მკვლელმა ეზოში, შემდეგ დედა – სამზარეულოში, არასრუწლოვანი აიყვანა მეორე სართულზე, მიაბა საწოლზე და სთხოვდა, ეთქვა, სად ინახავდნენ მისი მშობლები 30 000 ლარს, რომელიც მისმა ოჯახმა მიიღო ნაკვეთის გაყიდვით.
მკვლელი შეიარაღებული იყო, არსებობს ვარაუდი, რომ მას წინასწარ ჰქონდა მკვლელობა დაგეგმილი.
“გაისმა თოფის ხმა, ეგრევე მოჰყვა მეორე გასროლის ხმა და გავიგე დედაჩემის ხმა… გამოვედი და მკვლელს შევეფეთე. ჯერ ვერც დედას ვხედავდი და ვერც მამას… მამა დაბლა იყო, მანქანისკენ იწვა უკვე, მკვდარი იყო უკვე… დედა სამზარეულოში იყო, მკვლელი, არ ვიცი, ყელში მწვდა, წამათრია, დანა ედო უკან, ტყისკენ მივყავი ჯერ… დავჭერი დანით, ოდნავ… ამიყვანა მეორე სართულზე, დამაბა, საწოლზე მიმაბა… მეუბნებოდა, ფული სად არისო. ვპასუხობდი, რომ არ ვიცოდი და არ იჯერებდა.”
მოკლული ცოლ-ქმარი ყვარლის მუნიციპალიტეტის სოფელ კუჭატნიდან არიან.
კომენტარები