საქართველოს კერძო სექტორში დასაქმებულთა პროფესიული კავშირი – ლაბორი, განცხადებას ავრცელებს 13 მაისს, ტაქსის მძღოლთა გაფიცვასთან დაკავშირებით:
13 მაისს 09:00 საათიდან 14 მაისის 09:00 საათამდე “იანდექსში” “ბოლტში” და “მაქსიმში” დასაქმებული ტაქსის მძღოლები გაუსაძლისი შრომითი პირობების და მაღალი საპროცენტო განაკვეთის გამო საქართველოს დიდ ქალაქებში – თბილისში, ქუთაისში, ზუგდიდსა და ბათუმში -ერთდროულად გათიშავენ ტაქსის აპლიკაციას. ვმუშაობთ რუსთავის ტაქსის მძღოლებთან.
პროტესტი გახდება მასშტაბური და გაგრძელდება მანამ, სანამ დამსაქმებელი კომპანიები არ დასხდებიან მოლაპარაკებების მაგიდასთან, ხელისუფლება არ მოირგებს მედიატორის ფუნქციას და არ მოხდება კოლექტიური (სექტორული) შეთანხმება.ბოდიშს ვუხდით, ჩვენი ქვეყნის მოქალაქეებს გაფიცვის მიზეზით სავარაუდო Შეფერხების გამო და გთხოვთ თანადგომას.ტაქსის მძღოლებს და კურიერებს აქვთ უფლება იყვნენ დაცულები, მოითხოვონ სახელმწიფოსა და დამსაქმებელი კომპანიებისგან მინიმალური დაცვის გარანტიები.გაცნობებთ რომ, ჩვენ უკვე მივმართეთ დამსაქმელ კომპანიებს, სახალხო დამცველს, მთავრობას და შრომის სამინისტროს მოლაპარაკებების წარმოების მიზნით.მიგვაჩნია, რომ ქვეყანაში მძიმე სოციალური და შრომითი პირობების წინააღმდეგ საზოგადოების ერთიანობა, პასუხისმგებლობის და სოლიდარობის ზრდა ჩვენი ქვეყნის სიღარიბის, ჩაგვრის და სამსახურში მოსმენელი სიტყვების – “არ მოგწონს წადი!” თავის დაღწევის ერთადერთი საშუალება, ერთიანობის და სხვადასხვა პროფესიების ადამიანებში შორის სოლიდარობის განმტკიცებაა.ვაორგანიზებთ გაფიცვის მასშტაბების ზრდას და გაფიცვის თანაორგანიზატორებად ტაქსის მძღოლთა გაერთიანებასთან ერთად მოვიაზრებთ, საქართველოს დამოუკიდებელი პროფესიული კავშირების კონფედერაციას (CITU) და კურიერთა პროფკავშირს.
გაფიცვა ერთდროულად დაიწყება 13 მაისს დილის 09:00 საათიდან:
თბილისში-რესპუბლიკის მოედანი
ქუთაისი-დავით აღმაშენებლის ძეგლი
ბათუმი-გიორგი ანწუხელიძის #2
ზუგდიდი-ძველი ავტოსადგური
კომენტარები