ლატვიის მთავრობის გადაწყვეტილებით, 2022 წლის 28 თებერვალს სრულდება პანდემიის გამო, ქვეყნის მასშტაბით გამოცხადებული საგანგებო მდგომარეობა. ინფორმაციას ლატვიაში საქართველოს საელჩო ავრცელებს.
მათივე ცნობით, 1-ლი მარტიდან, ლატვიაში შემომსვლელებისთვის უქმდება ე.წ. კოვიდპასის აპლიკაციის (covidpass.lv) შევსების ვალდებულება და თვითიზოლაციის მოთხოვნა.
ქვეყანაში შემომსვლელთათვის კვლავ ძალაში რჩება საზღვრის კვეთისას, COVID-19 სერთიფიკატის, ან PCR ტესტის უარყოფითი პასუხის წარდგენის ვალდებულება.
ქვეყნის მასშტაბით, 1-ლი მარტიდან, ვაქცინაციის ან გამოჯანმრთელების დამადასტურებელი მოწმობის წარდგენის მოთხოვნა ძალაში რჩება, გარდა შემდეგისა:
-
გარე სივრცე;
-
საცალო ვაჭრობის სექტორი;
-
ეკლესიაში, რელიგიურ ღონისძიებები.
ქვეყანაში მოქმედებს სამედიცინო ან რესპირატორული ნიღბების ტარების მოთხოვნა.
დამატებითი ინფორმაციისთვის, უნდა ეწვიოთ შემდეგ ვებგვერდს.
კომენტარები