ზვიგენი, რომელიც ეგვიპტეში ადამიანს თავს დაესხა, დაიჭირეს და მისი ლაბორატორიული გამოკვლევა დაიწყეს. როგორც სპეციალისტები აცხადებენ, ზვიგენის გამოკვლევის შემდეგ გაიგებენ, რა გახდა თავდასხმის მიზეზი.
ამის შესახებ ეგვიპტის გარემოს დაცვის სამინისტრო იტყობინება. ზვიგენის კვლევის დასრულების შემდეგ სააგენტო გამოაქვეყნებს ანგარიშს. ასევე, ეგვიპტის გარემოს დაცვის მინისტრმა ტრაგიკულ ინციდენტთან დაკავშირებით შექმნილ სპეციალურ სამუშაო ჯგუფს დაავალა მიიღოს ყველა შესაძლო ზომა ზვიგენების თავდასხმით ინციდენტის განმეორების თავიდან ასაცილებლად.
ეგვიპტეში, ჰურგადაში ზღვაში ბანაობისას რუსი მამაკაცი ზვიგენმა შეჭამა.
თავდასხმის ამსახველი კადრები ინტერნეტში გავრცელდა.
კადრებში ჩანს, როგორ ითრევს ზვიგენი მამაკაცს წყალში, შეშინებული ხალხი კი სასოწარკვეთილი ყვირის.
გარდაცვლილი 23 წლის ვლადიმერ პოპოვია, რომელიც არ იყო ტურისტი და რეალურად, უკვე რამდენიმე თვე იყო გასული, რაც ეგვიპტეში დასახლდა.
კომენტარები