შინაგან საქმეთა სამინისტროს გამართულ ბრიფინგზე, ცენტრალური კრიმინალური პოლიციის დეპარტამენტის დირექტორმა, თეიმურაზ კუპატაძემ, ჟურნალისტის კითხბას: „ვრცელდება ფოტო-ვიდეომასალა, რომ აქციის ერთ-ერთმა მონაწილემ თვალი დაკარგა“, ასე უპასუხა:
-სპეციალური საგამოძიებო სამსახური იძიებს და ფაქტის დადგენის შემთხვევაში, ექნებათ რეაგირება. ზუსტად ვერ გეტყვით, სად დაკარგა თვალი.
შეგახსენებთ, კადრები სახედასისხლიანებული მამაკაცის აქციიდან, რომელიც სასწრაფომ გადაიყვანა, 7 მარტს გავრცელდა, შსს-ს ბრიფინგი კი დღეს, 10 მარტს გაიმართა, მიუხედავად ამისა, ოფიციალური უწყება ამბობს, რომ ზუსტი პასუხი არ აქვს.
შსს-მ ასევე გაავრცელა განცხადება სადაც წერს, რომ პარლამენტის შესასვლელების ბლოკირების გამო დაიწყო მომიტინგეთა დაშლის ოპერაცია და გამოყენებულ იქნა იძულების სპეციალური საშუალებები.
შსს-ს ცნობით დაკავებული იყო 133 ადამიამი, მათი ნაწილი სასამართლოს წინაშე წარსდგა, ნაწილი კი გაათავისიფლეს მხოლოდ იმიტომ, რომ დროებით იზოლატორში მოთავსების ვადა ამოიწურა და ისინი შემდგომ წარდგებიან სასამართლოს წინაშე.
შსს- ახალ დაკავებებს აანონსებს და წერს, რომ გამოძიება გრძელდება ყველა იმ პირის დადგენის, იდენტიფიცირებისა და დაკავების მიზნით, რომლებმაც საპროტესტო აქციაზე განახორციელეს პოლიციელებზე თავდასხმა და სხვა ძალადობრივი ქმედებები.
კომენტარები