პარტია „ლელო საქართველოსთის“ ლიდერი, ბადრი ჯაფარიძე ამბობს, რომ პრეზიდენტმა ზურაბიშვილმა გუშინ პირდაპირ ამხილა კობახიძე და მდინარაძე ანტიდასავლურ განცხადებებში.
“პრეზიდენტმა გააკეთა ძალიან მნიშვნელოვანი განცხადებები იმის თაობაზე, რომ „ქართულმა ოცნებამ“ კვლავ დესტრუქციული როლი ითამაშა და დესტრუქციული ძალის როლის შესრულებას აგრძელებს, როდესაც ხელს უშლის, საბოტაჟს უწყობს რიგგარეშე სესიის მოწვევას.
ამავდროულად პრეზიდენტმა პირდაპირ ციტატებით ამხილა ირაკლი კობახიძე და მამუკა მდინარაძე მათ მიერ გაკეთებულ ანტიდასავლურ განცხადებებში, ეს ძალიან საინტერესო პრენცენდენტია“
ცნობისათვის, პრეზიდენტმა სალომე ზურაბიშვილმა „საზოგადოებრივ მაუწყებელთან“ ინტერვიუში განაცხადა, რომ როცა ხელისუფლება “ლანძღავს ელჩებს, ლანძღავს ევროპარლამენტარებს, გაუგებარია, ჩვენ საითკენ მივდივართ.
„რუსეთს ვუფრთხილდებით როგორც არასოდეს, „ვაიმე, რამე არ ვთქვათ“ და „ვაიმე, არ ვაწყენინოთ“, – აღნიშნა პრეზიდენტმა.
კომენტარები