“გირჩის” დეპუტატი ვახტანგ მეგრელიშვილი, გამოეხმაურა “გირჩი- მეტი თავისუფლების”, “სტრატეგია აღმაშენებლის” და “დროას” გაერთიანების თაობაზე გავრცელებულ ინფორმაციას და განაცხადა:
“ნაციონალური მოძრაობა“ “ქართულ ოცნებას” ეუბნება, რომ არიან მოღალატეები და კოლაბორაციულ ურთიერთობაში არიან ოკუპანტთან. ზუსტად ანალოგიური ბრალდებებია მეორე მხრიდან. შეუძლებელია, რომ ასეთი დაპირისპირებული მხარეები ოდესმე რაიმე კონკრეტულ თემაზე შეთანხმდნენ და თავის ამომრჩეველს აჩვენონ, რომ ისინი თანამშრომლობენ. მაშინ, გამოვა, რომ თანამშრომლობენ მტერთან. აქედან გამომდინარე, ამ სამეულის რადიკალური განცხადებები (პროევროპელობაზე) ჰგავს “ნაციონალური მოძრაობის” ყველაზე რადიკალური ფრთის განცხადებებს, რაც იმას ნიშნავს, რომ ამ ჯგუფს სურს, დაიკავოს “ნაციონალური მოძრაობის” ყველაზე რადიკალური ჯგუფის ადგილი.
ყველა ცდილობს, წარმოიდგინოს რეალობა “ნაციონალური მოძრაობის” დაშლის შემდეგ. ნახევარ მილიონ ამომრჩეველზეა გამოცხადებული ნადირობა. ნახევარ მილიონიანი ხმის პატრონის ბედია გაურკვეველი და ყველას გაუჩნდა იმედი, რომ ნაწილს მოგლეჯს ამ ნახევარი მილიონიდან.
არ მგონია, ეს გამოუვიდეთ, რადგან ნიჭი არ ეყოფათ. ნებისმიერ ადამიანს ნებისმიერ საქმიანობაში ნიჭი სჭირდება, ძალიან უნიჭოები არიან. ხოშტარიას კარგად არ ვიცნობ, მაგრამ განსაკუთრებული ნიჭი არც მისთვის შემიმჩნევია, დანარჩენებს ვიცნობ.
ადამიანებისთვის იმის დამტკიცება მიჭირდა, რომ ჯაფარიძე უნიჭოა, მაგრამ თავად დამეხმარა. მაგალითად, ამის დამტკიცება იაგოსთვის მიჭირდა, მაგრამ რაც ჯაფარიძე დამეხმარა, მგონი, დაიჯერა.”
კომენტარები