“ზოგიერთ მარკეტში მომატებული ფასი რაც იყო, იგივე დარჩა” – უჩუმბეგაშვილი ამტკიცებს, რომ მაღაზიები გაიაფებას არ ასახავენ

რაც მოიმატა, სადღაც 5%-მდე იყო მატება, იანვარში, მერე ამ კომისიის მუშაობის დროს ისევ დაიწია, მაგრამ როგორც ხშირად ხდება ხოლმე, მწარმოებლებმა შეიძლება გააიაფონ ისევ, რახან დაიწყო კომისიამ მუშაობა, მაგრამ ზოგიერთ მარკეტში მომატებული ფასი რაც იყო, იგივე დარჩა. მწარმოებელს არაფერი გაუძვირებია. ვთქვით ჩვენ ის, რომ ზაფხულში ისედაც რეალიზაცია ჭირს, ჯერ ერთი და მერე ლარი ქვევით მოდის… ყველანაირად ვეცდებით, რომ სადღაც სექტემბრამდე ფასი დავიჭიროთ. ერთადერთი, რაც გვკლავს, ეს არის ახლა საწვავის ფასი და ჯარიმების თემაა, – ამბობს მეფრინველეობის განვითარების ასოციაციის ხელმძღვანელი ზურაბ უჩუმბეგაშვილი.

სურსათზე ფასების ზრდის ტენდენცია გრძელდება. ბოლო მონაცემებით, თევზი დაახლოებით 20 პროცენტით, ხორცი 10 პროცენტით, ხოლო პური და პურპროდუქტები 7 პროცენტით გაძვირდა. ფასმა მოიმატა იმ პროდუქტებზეც, რომლებიც მოსახლეობის ყოველდღიურ სამომხმარებლო კალათაში შედის.

გაძვირება შეეხო იმ სასურსათო პროდუქტების ნაწილსაც, რომელთა გაიაფების კამპანიას “ოცნების” ხელისუფლება ბოლო პერიოდში აქტიურად აწარმოებდა.