“ზოგი ჭირი მარგებელია!” – რა სარგებელი მოუტანა ოცნებას მოსამართლეთა დასანქცირებამ?

ქართული ოცნების პოლიტსაბჭოს წევრი, დეპუტატი, დიტო სამხარაძე:

“ზოგი ჭირი მარგებელია ამ ყველაფრით აღიარება მოხდა, რომ ქართულ ოცნებას არჩევნების გზით ვერ დაამარცხებენ და სჭირდებათ ვირეშმაკობა, მანიპულაცია, ფეიკი. ერთ-ერთი მტკიცებულებაა მიმდინარე შუალედური არჩევნები! პარლამენტის მაჟორიტარულ, მერების და საკრებულოს მაჟორიტარულ ოლქებში გასამართ არჩევნებში 185 102 საქართველოს მოქალაქე იღებს მონაწილეობას და ყველა უბანზე ელექტრონული სისტემით ტარდება არჩევნები! ზუსტად იმ სისტემით, რომლითაც 2024 წლის საპარლამენტო არჩევნები ჩატარდება!

დაუკვირდით, დემოკრატიულ ქვეყნებში არსებობს პარტიები, რომლებიც არჩევნებში მონაწილეობას არ იღებენ? საქართველოში, გლობალურმა ომის პარტიამ ოპოზიციას არჩევნებში მონაწილეობა აუკრძალა, უმწარესად დამარცხდებოდნენ და რაში აწყობთ დაფიქსირდნენ გაფარჩაკებულ ოპოზიციად, მთავარ არჩევნებამდე 1 წლით ადრე?

სასამართლოს ხელში ჩაგდებაც მაგიტომ უნდათ, რომ 2024 წლის არჩევნების შედეგები გააუქმებინონ, რადგან იციან ოპოზიციის მარცხი გარდაუვალია და გაუჭირდებათ გამართლება! გადავიდნენ ვაბანკზე, ოღონდ ოპონენტად აირჩიეს არა ხელისუფლება, არამედ საქართველოს მოსახლეობა! სხვანაირად ვერაფერს გვაკლებენ და ვერც დაგვაკლებენ! ყველა მარცხდება, ვინც საქართველოს მოსახლეობის ინტერესებს უპირისპირდება! სინამდვილე არის ერთი, ვერც არჩევნებში დაგვამარცხებენ და ვერც რევოლუციას მოაწყობენ! პატარა, მაგრამ ამაყი ქვეყანა ვართ, სადაც ხალხმა იცის, სიმართლე ვის მხარესაა! სრული ლუსტრაცია და აღიარება, რომ ნაცებს არჩევნების გზით ვერ მოაბრუნებენ.

რაც შეეხება, ჩვენს გუნდს, ამ გადაწყვეტილებებით უფრო გაგვაძლიერეს, ხალხს დაანახეს რომ სწორი გზით მივდივართ, ომს არ ვიწყებთ და არ ვწირავთ საკუთარ ქვეყანას და მოსახლეობას.”