ზესტაფონი-ზუგდიდის სამარშრუტო მიკროავტობუსის მძღოლს კორონავირუსი დაუდასტურდა. ამის შესახებ სამეგრელო-ზემო სვანეთის რეგიონში სახელმწიფო რწმუნებულის მოვალეობის შემსრულებლმა, მალხაზ თორიამ განაცხადა.
“კვლევა ჩაუტარდა ზუგდიდში, მაგრამ მკურნალობას გადის იმერეთში. მიმდინარეობს მისი კონტაქტების მოძიება. რეგიონის მასშტაბით მიმდინარეობს ღრმა ეპიდემიოლოგიური კვლევა. რეგიონის მასშტაბით ინფიცირებულთა რაოდენობა შეადგენს 180-ს. რუხის კლინიკაში მკურნალობს 71 კოვიდინფიცირებული პაციენტი, მათგან ხუთის მდგომარეობა შედარებით მძიმეა. გუშინ სამი პაციენტი, რომელთა მდგომარეობა დამძიმდა, რუხის კლინიკიდან გადაიყვანეს თბილისის სხვადასხვა კლინიკაში. რაც შეეხება ფოთს, იქ მკურნალობს 19 კოვიდინფიცირებული. საკარანტინო სივრცეებში მოთავსებულია 133 მოქალაქე.
ახალი ინფიცირებულებიდან ერთი არის ადრე გამოვლენილი საავადმყოფოს ექიმების კონტაქტი, ხოლო ორი ახალი ინფიცირებულის კონტაქტის დადგენა მიმდინარეობს“
ცნობისთვის, დღეს საქართველოში კორონავირუსის 578 ახალი შემთხვევა გამოვლინდა და გარდაცვლილთა რიცხვი 52-მდე გაიზარდა.
კომენტარები