უკრაინის პრეზიდენტის, ვოლოდიმირ ზელენსკის თქმით, რუსეთი არ პასუხობს ცეცხლის შეწყვეტის მრავალ მოწოდებას და „ჯერ არ განსაზღვრა, როდის შეწყვეტს მკვლელობას“, რაც მნიშვნელოვნად ართულებს ომის დასრულების მცდელობებს.
„თუ მათ არ აქვთ ნება, შეასრულონ დარტყმების შეჩერების მარტივი ბრძანება, შესაძლოა დიდი ძალისხმევა დასჭირდეს იმისთვის, რომ რუსეთმა მოისურვოს მეზობლებთან ათწლეულების განმავლობაში მშვიდობიანი თანაცხოვრება,“ – აღნიშნა ზელენსკიმ სოციალურ პლატფორმა X-ზე.
მისივე თქმით, მკვლელობების შეჩერება არის ომის შეჩერების მთავარი ელემენტი.
პრეზიდენტმა ასევე განაცხადა, რომ ორშაბათს დონალდ ტრამპთან შეხვედრისთვის ემზადება და მადლობას უხდის მიწვევისთვის.
აუცილებელია ლიდერების დონეზე საუბარი, რათა დაზუსტდეს ყველა დეტალი და განისაზღვროს, რომელი ნაბიჯებია ყველაზე საჭირო და ეფექტური,– აღნიშნა ზელენსკიმ.
კომენტარები