პოლიტიკოსი, ანა დოლიძე:
ვულოცავ გავრილოვის საქმეზე ყველა დაზარალებულს ამ გამარჯვებას სტრასბურგში! როდესაც მოყავდათ მელიას საქმის მაგალითი, რომ აი, გახარიამ თავი გაიმართლაო, სულ ვამბობდი რომ ეგ არ ეხებოდა დარბევას, ეხებოდა მხოლოდ ნიკა მელიას ნაწილს. ის ფორმები რომელიც გამოყენებულ იქნა გავრილოვის ღამეს, გამწვავდა და გაასმაგდა ქიმიური დეკემბრის დროს: დევნა, გამოკიდება, მოტაცება, ალყა. ამას დაუმატეთ წყალი და გაზით მოწამვლა.
ამის საფუძვლები სწორედ მაშინ ჩაიდო. ვულოცავ დაზარალებულებს გამარჯვებას, ბრძოლას ყოველთვის აქვს აზრი! სამართალმა უნდა ჭამოს პური.
სტრასბურგის სასამართლოს დიდმა პალატამ 20-21 ივნისის დარბევების შედეგად დაზარალებული 26 მოქალაქის საქმეზე გადაწყვეტილება გამოაცხადა. დადგენილების დოკუმენტის მიხედვით, 26-ვე მომჩივანმა სახელმწიფოს წინააღმდეგ დავა მოიგო. როგორც დოკუმენტში ვკითხულობთ, ე.წ. გავრილოვის ღამის საქმეზე სტრასბურგის სასამართლომ დაადგინა, რომ 26 მოქალაქის მიმართ დაირღვა წამების მუხლი ეფექტიანი გამოძიების ნაწილში. შესაბამისად, სახელმწიფოს დაზარალებულებისთვის 646 000 ევროს გადახდა დაეკისრა.
ამავე დასკვნის მიხედვით, სასამართლომ ერთხმად დაადგინა, რომ მომჩივნების წინააღმდეგ დაირღვა კონვენციის მე-10 და მე-11 მუხლები, რაც შეკრებისა და გამოხატვის თავისუფლებას გულისხმობს.
კომენტარები