“ვწუხვარ, ძვირფასო ლელო, რომ ქოცის კარიკატურად ქცევა გადაწყვიტეთ” – ჯანგირაშვილი

ჟურნალისტი, ნინო ჯანგირაშვილი:

რა არის ქოცობა: ქოცობა არის, როცა კითხვებზე პასუხი არ გაქვს, ან ეს პასუხი არ გაწყობს, შენს გადაწყვეტილებებს და ქმედებებს ვერ ხსნი და ვერ ამართლებ, თავდასხმას უწყობ კითხვის ავტორს, მტრის ხატს თხზავ და ყველაფერს იმას აბრალებ. ამით გადის ფონს ქოცი წლებია.

სამწუხაროდ, ლელომ მიკროქოცობას მიმართა – ზრდილობიანად ვიკითხე, ხომ არ წავიდა მამუკა ხაზარაძე ემიგრაციაში. პასუხი უნდა ყოფილიყო მარტივი – ან კი, ან არა. ამის ნაცვლად ჩემზე პერსონალური თავდასხმების გზა აირჩიეს, ოღონდ კითხვაზე პასუხი ამ დრომდე არ გაუციათ.

ვწუხვარ, ძვირფასო ლელო, რომ ქოცის კარიკატურად ქცევა გადაწყვიტეთ.

ცნობისთვის, ნინო ჯანგირაშვილმა, გუშინ, სოციალურ ქსელში დაწერა:

როგორც ვხვდები მამუკა ხაზარაძე ემიგრაციაში წავიდა. და ლელო ამის შესახებ საკუთარ ამომრჩეველს როდის შეატყობინებს? თუ არ არის აუცილებელი?

ჯანგირაშვილის პასუხად, ლელოს ერთ-ერთმა ლიდერმა, გრიგოლ გეგელიამ თქვა:

ვიღაცა ლუზერი რომ რაღაცას დაწერს, მე ამაზე კომენტარს ვერ გავაკეთებ.

ლელოს კიდევ ერთმა წევრმა, ლანა გალდავამ, თქვა:

 იმდენად არასაინტერესოა ახლა ჩემთვის ნინო.ჯანგირაშვილი რას დაწერს სოციალურ ქსელში, რომ მე.უბრალოდ ძალიან არასერიოზულად მიმაჩნია ამაზე კომენტარის გაკეთება.