პოლიტიკოსი ირინა სარიშვილი:
,,რამე ახალი მოხდა გორში? არა.
სასიკვდილოდ გამეტებული ლევან ხაბეიშვილი, დავით ქაცარავა, აქციების დროს და დაკავების მანქანებში ხელ-ფეხშეკრული უმოწყალოდ ნაცემი ადამიანები – რამდენი ასეთი კადრი გვახსოვს – ეს რაც ვნახეთ და რაც ვერ ვნახეთ?
გორის შემთხვევა პოლიტიკური არ იყოო, ჩვეულებრივი, უბრალო მოქალაქეები ცემესო… და რა? ამიტომ უფრო აღმაშფოთებელია?! ვინც ზემოთ ჩამოვთვალე, ისინი მოქალაქეები არ არიან?! ეგებ ზუსტად იმიტომ რომ “ჩვეულებრივმა” მოქალაქეებმა წაუყრუეს, გაჩუმდნენ და გაუტარეს რეჟიმს სისხლიანი დარბევები, დღეს მათ კარზეც მიაკაკუნა ძალადობამ და უსამართლობამ?!
უსამართლობამ გარჩევა არ იცის და ის ყველას შეეხება ძალიან მალე.
გავიგებთ ამას? გავინძრევით და დავამარცხებთ რეჟიმს.
ვერ გავიგებთ და ეპიზოდურად აღვშფოთდებით ხოლმე მძვინვარე პოსტებით? ვივლით მაშინ ასე უსასრულოდ აქციიდან აქციამდე, ვიამაყებთ რომ ბევრი ვართ და დაგვინახეს და ისე გაქრება საქართველო, ვერც გავიგებთ!
#დამხობარუსულრეჟიმს
კომენტარები