“ვივამედი”, “პაივცემულებო”, ასე საკუთარ ოჯახებში ისაუბრეთ!” – თაკო ჩარკვიანი

დეპუტატი, თაკო ჩარკვიანი, ეხმაურება კლინიკა ვივამედის პოზიციას, არ გასცეს მიხეილ სააკაშვილის ჯანმრთელობის მდგომარეობის შესახებ ინფორმაცია ჟურნალისტებთან, რადგან არ აქვთ კანონით ამის უფლება მინიჭებული, და წერს:

“ჟურნალისტის მიერ, (მითუმეტეს) ძალიან კორექტულად დასმულ კითხვაზე, არ პასუხი, ან ირონიით ზედამხედველის ტონით პასუხი, ან სრულიად უპასუხოდ დატოვება, აგდებით, ეს “მოდურია”?? “საოცნებოდემოკრატიის” ნაწილია?? ჰიპოკრატეს შეჰფიცეთ “პაივცემულებო” ასეთი არალმობიერი, არაჰუმანური და “არასამკურნალო” დამოკიდებულება  პაციენტის ( მესამე პრეზიდენტის) ჯანმრთელობით დაინტერესებული საზოგადოების მიმართ????? ეს რა ” ნარცისულ-ნაცისტური” ტონალობაა თუ შეიძლება ასე საკუთარ სახლებში-საკუთარ ოჯახებში ისაუბრეთ! პატივი ეცით მოქალაქეებს, მათ ინტერესს, პატივი ეცით ჟურნალისტებს , რომლებიც ლეგიტიმურ კითხვებს სვამენ , შრომობენ დღე და ღამე, რათა ზუსტი ინფორმაცია მიაწოდონ საზოგადოებას პირველწყაროდან!! თეთრი ხალათი , ინდულგენცია არ არის!!! თეთრი გაქათქათებული საყელო არ განსაზღვრავს, არც პროფესიონალიზმს, არც ეთიკას, არც ზრდილობას, შეუძლებელია ზედამხედველის , ქედმაღლური ამპარტავნული , ამბიციური ტონალობით ვინმეს გამოჯანმრთელებაზე ან საერთოდ ვინმეს სიცოცხლეზე საუბრობდე. მთავარია ზოგადად ადამიანი გიყვარდეს , ჯანმრთელი თუ არაჯანმრთელი ! კლინიკა “ვივამედი”- ტონალობა, ტონალობა ქალბატონებო და ბატონებო !!!!!”