,, ვიცით ვინ იყენებს ამ მეთოდებს და წლებია, შეჩვეულები ვართ, რომ ხდება სხვადასხვა ტრაგედიის გამოყენება” – შალვა პაპუაშვილი

,,სამწუხაროა, რომ სამართლებრივი საკითხის პოლიტიკურ ჭრილში გადატანა ხდება. მე ვისურვებდი, რომ სამართლებრივი საკითხები რაც არის, ამას გაეცეს სამართლებრივი პასუხები.

ამის გადატანა პოლიტიკურ ჭრილში… სხვადასხვა დროს გვინახავს ჩვენ ასეთი მცდელობები, მაგრამ ამას არანაირი შედეგი არ მოაქვს, არის სამართლებრივი საკითხები, არის პროკურატურის მიერ წარდგენილი ბრალი, ამ ბრალს სჭირდება პასუხი, სხვა დანარჩენი, ეს პოლიტიკური ინსინუაციები, ვფიქრობ, რომ ზედმეტია.

ზოგადად, არავის ვუსურვებდი, რომ კიდევ ერთხელ, სხვა ადამიანების პიროვნული ტრაგედიები გამოყენება ხდებოდეს პოლიტიკური ინსინუაციებისთვის, ეს მეთოდი ვიცით ვინ იყენებს ამ მეთოდებს და წლებია, შეჩვეულები ვართ, რომ ხდება სხვადასხვა ტრაგედიის გამოყენება, თვითმკვლელობა იქნება თუ სხვა სახის ტრაგედია იმისთვის, რომ პოლიტიკური ინსინუაციები მოხდეს. აქაც მე მგონი, კონკრეტულად ამ შემთხვევას რაც შეეხება და ადამიანს, რომელმაც თვითმკვლელობით დაასრულა სიცოცხლე, თუ არ ვცდები, ეს ისტორია რაც არის, მე მგონი, ყველაფერს რომ თავი დავანებოთ, მით უმეტეს, ზოგიერთი ადამიანი, ჟურნალისტს ვგულისხმობ, რომელიც გამომსარჩლებლად არიან ქცეული იმ ადამიანის, ვინც თვითმკვლელობით დაასრულა საკუთარი სიცოცხლე, მის სულს მაინც უნდა სცენ პატივი და მოასვენონ ადამიანი, როდესაც ხდება სპეკულაცია ამ საკითხთან დაკავშირებით […]

[…] სუფთა ადამიანურადაც, პოლიტიკურადაც და საღი აზრის საფუძველზეც, მე მგონი, მნიშვნელოვანია, ადამიანის გარდაცვლილი სული მოვასვენოთ, ის, რომ ადამიანმა თვითმკვლელობა ჩაიდინა, ცალკე სიმძიმეა, ამის კიდევ აქედან… რა კითხვის ნიშანი არსებობს, არანაირი კითხვის ნიშანი ამასთან დაკავშირებით არ არსებობს, თქმა ყველაფრის შეიძლება, მაგრამ სათქმელს ხომ უნდა ჰქონდეს საფუძველი.”