“ვისურვებდი საქართველოს ყველა სკოლასა და კლასში ჩაატარონ მსგავსი გაკვეთილები” – არჩილ გამზარდია

ჟურნალისტი, არჩილ გამზარდია:

“უკრაინა ჩემი მეგობარია” – ასეთი გაკვეთილი ჩაუტარდა დღეს ჩემი ირინოლას კლასს.

ბავშვებმა ისაუბრეს, შემდეგ კი სიმბოლურად დროშები და ნახატები დაამზადეს უკრაინის მხარდასაჭერად.

მე ვისურვებდი საქართველოს ყველა სკოლასა და კლასში ჩაატარონ დამრიგებლებმა მსგავსი გაკვეთილები, აუხსნან შესაბამისი ენით და სიფრთხილით, ის, რაც დღეს ხდება, ასწავლონ სამშობლოს სიყვარული, მეგობრობა და მხარდაჭერა ადამიანების, რომლებიც იბრძვიან თავისუფლებისათვის.

დიდი მადლობა მასწავლებელს მზია ქრისტესიაშვილს, რომელიც პირველივე კლასში ასწავლის სახელმწიფოებრიობას, მეგობრობას და გულშემატკივრობას ჩემს შვილს და მის კლასელებს.”