ჟურნალისტი ნიკოლოზ წულუკიძე, წითელი ჯვრის კეთილი ნების ელჩის რანგში, რამდენიმე დღეა უკრაინაში იმყოფება და ქვეყანაში მიმდინარე პროცესების შესახებ ქართული საზოგადოების ინფორმირებას ცდილობს. ამჯერად ჟურნალისტი უკრაინის ქართველ გულშემატკივრებს მოუწოდებს, მხარდაჭერის ხერხები შეცვალონ და უკრაინის ფერებში დამზადებული ატრიბუტიკის შეძენის ნაცვლად, თანხა შესაბამის ფონდებში გადარიცხონ.
„რომ იცოდეთ რა ბედნიერი ვარ, სადაც კი საქართველოს დროშით გვხედავენ მოდიან და მადლობას გვეუბნებიან, ამ ქვეყანაში განსაკუთრებულად უყვართ საქართველო და ქართველები.
გთხოვთ ნუ ყიდულობთ ლურჯ-ყვითელ ჰუდებს სოლიდარობის გამოსახატავად, ვისაც მართლა დახმარება გინდათ გადარიცხეთ თანხა. ზოგიერთ ქალაქში ხალხი შიმშილობს. არ იშოვება საწვავი, წყალი, არ არის ელექტრო ენერგია,“ – წერს ნიკოლოზ წულუკიძე.
კომენტარები