ვის და რამდენით გაეზრდება პენსია 2025 წელს? – 2025 წლის სახელმწიფო ბიუჯეტის მიხედვით, საპენსიო უზრუნველყოფაზე 4.498 მილიარდი ლარი დაიხარჯება.
ბიუჯეტის დოკუმენტის მიხედვით, მიმდინარე წლიდან:
- 70 წლის და მეტი ასაკის პენსიონერთა პენსია 35 ლარით 450 ლარამდე იზრდება. ამავე კატეგორიის პენსიონერთა პენსია მაღალმთიან დასახლებებში თითქმის 540 ლარს გაუტოლდება;
- 70 წლამდე პირთა პენსია, სამთავრობო პროგრამის შესაბამისად ასევე 35 ლარით 350 ლარამდე , ხოლო მაღალმთიან დასახლებებში 420 ლარამდე იზრდება.
- გარდა პენსიისა, გათვალისწინებულია შეზღუდული შესაძლებლობის პირთა სოციალური გასაცემლის ზრდა 35 ლარით;
საქართველოში ასაკობრივ პენსიას სულ 838 ათასი მოქალაქე იღებს.
კომენტარები