ყოფილი ჩინოვნიკი, ლაშა ნაცვლიშვილი:
,,არ მინდოდა ამ თემაში ღრმად შესვლა, ათასი ჯურის სპეკულაციის წყაროდ რომ არ ქცეულიყო, მაგრამ მაინც მომიწია.
საკითხი მოჯთაბა ჰამენეის ირანის ისლამური რესპუბლიკის სულიერ ლიდერად (სახელმწიფოს მეთაურად) არჩევაზე ქართველი “ლიბერალების” რეაქციას ეხება.
ქართველმა “ლიბერალმა”, როგორც სჩვევია, ისევ არ უღალატა ოქროს წესს – “გაეთხაროს” იმ თემაში, რომელშიც ნულოვანი კომპეტენცია აქვს და რაც მთავარია, სხვას დაუწუნოს იმ წესიდან გადახვევა, რომელ წესსაც თავად არ აღიარებს.
მაგალითისთვის, შეამჩნევდით, რომ ათეისტი ქართველი “ლიბერალი”, რომელსაც სულის ცხონების არ სწამს, საქართველოს მართლმადიდებელი ეკლესიის მღვდელმსახურებს ეჩხუბება, თვითმკვლელისთვის წესის აგებაზე უარს რატომ ამბობთო.
დაახლოებით იგივე ხდება ამ საკითხზეც:
ამჟამად, მემკვიდრეობითობის თემაზე აღიგზნენ – რა წესია შვილის სულიერ ლიდერად არჩევა, შაჰი ხომ მაგიტომ დაამხეთ, ძალაუფლება მემკვიდრეობით რომ აღარ გადასულიყოო – გაუბრაზდნენ ირანის მმართველ (ესპერტთა) საბჭოს.
ვინ გეკითხებათ, საიდან მოხვედით, ვინ ყრიხართ?!
ჩემი ფიქრით, ორდინარულ სიტუაციაში (ალი ჰამენეი რომ ბუნებრივი სიკვდილით მომკვდარიყო), მოჯთაბა ჰამენეის ირანის სულიერ ლიდერად არჩევის შანსი ნულის ტოლი იქნებოდა, მაგრამ მიმდინარე ომის და ალი ჰამენეის ოჯახის განადგურების ფონზე, შვილის არჩევა – არა მონარქისტული გადახრაა წესიდან, არამედ გზავნილია, სიმბოლური აქტია, რომ მამის საქმე ცოცხალია და წინააღმდეგობა გრძელდება.
თან, რადიკალია მოჯთაბაო, ბუტბუტებენ უმეცარი ტუჩებით.
კი, ნამდვილად რადიკალია, მაგრამ იმათ გასაგონად, ალკოტესტზე გადაყვანის გამო ვინც ისე ისტრესება, რომ ფსიქოლოგი სჭირდება რეაბილიტაციისთვის, სპეციალურად უნდა დავმარცვლო:
28 თებერვალს მოჯთაბა ჰამენეის მოუკლეს 14 თვის ჩვილი (გოგონა), მოუკლეს დედა, მამა, და, ძმა, რძალი და სიძე (დაუდასტურებელი ინფორმაციით, მოუკლეს ვაჟიც).
დიდი შანსია, თავადაც გაანადგურონ და რადიკალი იქნება, აბა, ნანუაშვილის ტოლერანტობის ქომაგის პრემიის ნომინანტს ელოდით?“
კომენტარები