“ვინ დამიცავს, ვინ მიმკურნალებს?” – თბილისის კლასიკური გიმნაზია დისტანციურ რეჟიმზე გადადის

პირველი კლასიკური გიმნაზია დისტანციურ სწავლებაზე გადადის, როგორც აღმოჩნდა, ქართული ენისა და ლიტერატურის პედაგოგს კორონავირუსი დაუდგინა. ამის შესახებ, მასწავლებელები თავად წერენ:

თამუნა კაპანაძე

ძვირფასო მშობლებო, მოსწავლეებო და პედაგოგებო!
მოგახსენებთ, რომ დღეს ჩვენი სკოლის ქართული ენისა და ლიტერატურის პედაგოგს, ქალბატონ მ. ს-ს, დაუდასტურდა კოვიდ19 (ეს თავად განაცხადა სოციალური ქსელის მეშვეობით).
პარასკევს, დღის პირველ ნახევარში იგი იმყოფებოდა სკოლაში. სიმპტომები კვირას საღამოს გამოუვლინდა, ამიტომაც ნაკლებად სავარაუდოა, რომ პარასკევს დღის პირველ ნახევარში ის ინფექციის გადამდები ყოფილიყო. ასე რომ, პანიკის არავითარი საფუძველი არ გვაქვს!

თუმცა ეპიდემიოლოგებთან კონსულტაციის შემდეგ, რისკის თავიდან აცილების მიზნით, მივიღე გადაწყვეტილება, რომ სკოლა 21 ოქტომბრამდე გადავიდეს სწავლების დისტანციურ ფორმაზე.
მე არ მქონია შეხება პედაგოგთან!”

ნანა ნოზაძე:

“ჩემს უსაყვარლეს კოლეგას აღმოაჩნდა ვირუსი. მე მასთან შეხება საერთოდ არ მქონია, მის სადამრიგებლოში ჩავატარე ორშაბათს და სამშაბათს გაკვეთილები, სრული სტანდარტის დაცვით, თბილისის კლასიკური გიმნაზია გადავიდა დისტანციურ სწავლებაზე. გამოჯანმრთელება მაკას”

ლიზი ნიჟარაძე:

“აი, რას წერს მასწავლებელი, რომელსაც კორონა დაუდასტურდა, საოცარი ფილოლოგი და ადამიანი, მაკა. თითქმის ყველა სახელმწიფო სამსახური ელექტრონულად მუშაობს, საავადმყოფოში ადგილები არ არის. მაინტერესებს, მე, მასწავლებელმა, რა გავაკეთო, უანგარო სამსახური და თავგანწირვა ჩემს პროფესიას მუდამ თან ახლდა, მაგრამ, მგონი, მეტისმეტია…მირჩიეთ, უნდა გავრისკო? ორად გავიპო, სკოლაში ვიარო, თან ონლაინ ვასწავლო? და თუ საჭირო გახდა, ვინ დამიცავს, ვინ მიმკურნალებს?”