„ლეიბორისტული პარტიის“ ლიდერი შალვა ნათელაშვილი საქართველოს ყოფილი პრეზიდენტის, მიხეილ სააკაშვილის იმ განცხადებას ეხმაურება, რომლის მიხედვით – „ნაციონალური მოძრაობის“ გარდა, არც ერთ ოპოზიციურ პარტიას პულსი არ ესინჯება და წერს:
“მე იგივე ვარ მარად და მარად.
ექსპრეზიდენტის განცხადება,რომ სხვა პარტიებს პულსი არ ესინჯება და ფაქტობრივად მარტო თვითონ და ბიძინაა იმ ორ–პროლუსიანობის ღია დამკვიდრებაა რომლის წყალობითაც მის მიერ ოლიგარქისთვის დათმობილი ძალაუფლება მეათე წელია არ ბრუნდება ქვეყნის კანონიერ მესაკუთრე – ქართველ ხალხთან.
პარტიებს პულსი რომ არ ესინჯებოდეს და არ ვიბრძოდეთ ეს რეჟიმი ჩამოშლილი არ იქნებოდა ხოლო ჩვენც არანაკლები პატივით მიგვიღებდნენ ამერიკა ევროპაში როგორც პოლიტ-დევნილებს საიდანაც ენამზე, მწვავე განცხადებებს პერიოდულად გავაკეთებდი ელისეის მინდვრებიდან.
P.S სხვათა შორის 2012 წელს ივანიშვილის ხავერდოვანი მოსვლა გამოიწვია სწორად მაშინდელი პოლიტიკური პარტიებისათვის პულსის არ ქონამ, რომლებიც სააკაშვილის ხელისუფლებამ ოლიგარქის შეკვეთითაც დაასუსტა და გააბანძა. თუ ექსპრეზიდენტს დღესაც უხარია უპულსო, არა მრავალპარტიული გარემო ეს ნიშნავს რომ იგი უპირველესად თავის თავის მტერიცაა, რაც ძნელი დასაჯერებელია.”
კომენტარები