თითქმის 2 კვირაა სამეგრელოში დაკარგულ მამაკაცს ეძებენ. სერიოჟა გაბედავა სახლიდან 19 ოქტომბერს გავიდა და მას შემდეგ მის კვალს ვერ მიაგნეს. დაკარგული ზუგდიდის მუნიციპალიტეტის სოფელ კორცხელის თემიდანაა, კონკრეტულად კი ბაშიდან.
მთავარი არხის ინფორმაციით, შუახნის მამაკაცის სამძებრო სამუშაოებში სამაშველო სამსახური და პოლიციაა ჩართული, თუმცა ამ დრომდე უშედეგოდ. მათივე ცნობით, დაკარგულს ფსიქიკური პრობლემები აქვს და შესაძლოა არ ახსოვდეს სახლის მისამართი.
სხვადასხვა ვერსიებით, მამაკაცი სოფელ ნარაზენსა და სოფელ ნაწულუკში შენიშნეს, მას შემდეგ კი კვალი ქრება. როგორც ახლობლები ამბობენ, კამერებიდან ჩანაწერები ჯერ არ ამოუღიათ.
ინფორმაციის შემთხვევაში დაუკავშირდით ოჯახს, ტელეფონის ნომერზე – 558601644
კომენტარები