პირველი საუნივერსიტეტო კლინიკის კლინიკური დირექტორის, ლალი ტურძელაძის ინფორმაციით, კორონავირუსით გარდაცვლილი მეთორმეტე პაციენტი 81 წლის ქალია, რომელიც ქართულ-ბრიტანული კლინიკიდან 12 აპრილს გადაიყვანეს.
მისი განმარტებით, პაციენტს 29 აპრილიდან კორონავირუსი აღარ უდასტურდებოდა. ამასთან მას ჰქონდა უმძიმესი არტერიული ჰიპერტენზია, დისტრესი, თირკმელების მწვავე უკმარისობა.
“ჰქონდა უმძიმესი არტერიული ჰიპერტენზია, გადატანილი მიოკარდიუმის ინფარქტი, დისტრესი, თირკმელების მწვავე უკმარისობა. იყო ერთ-ერთი უმძიმესი პაციენტი”, – უთხრა ტურძელაძემ „ტაბულას“.
კომენტარები