პარტია “მოქალაქეების” ლიდერი, ალეკო ელისაშვილი მედიასთან ამბობს:
“ოპოზიციასთან ეს იწილო ბიწილო დავასრულეთ, ჩვენ ვიცით რასაც ვაკეთებთ, ვიცით, როგორ გავაკეთებთ და უახლოეს დღეებში ზუსტად გეტყვით ჩვენს გეგმასთან დაკავშირებით, მანამდე ეს დაუსრულებელი დავიდარაბა დავამთავრეთ.
არ მიგვიჩნევენ ოპოზიციად? სარკეში ჩაიხედონ და თავიანთ თავს ჰკითხონ, სინამდვილეში თვითონ ვინ არიან, როგორ უცხოვრიათ, რა წარსული აქვთ, რა ბიოგრაფია, მართლა ვისთან გარიგებებში მონაწილეობდნენ და ა.შ. ჩვენ ვინ ვართ და რა ვართ, ხალხმა იცის და ხალხმა განსაჯოს. […]
ჩვენ გვინდა, ქართულ ოცნებას გამოვგლიჯოთ ის რაც ქვეყნისთვის მიგვაჩნია მნიშვნელოვნად, რაზეც უკან დავახევინეთ, ჩვენ შევალთ შემდეგ პარლამენტში და იქედან გავაგრძელებთ ბრძოლას ამ ქვეყნისთვის.
რაც შეეხება მამუკა ხაზარაძესთან სიტყვიერ დაპირისპირებას, ელისაშვილი აცხადებს, რომ მან ამ „ცირკზე” საუბარი დაასრულა. „მეც და ჩემმა პარტიამაც ამ „ცირკზე” დავასრულეთ საუბარი. ვისაც დამატებითი კითხვები აქვს ჩემთან და ხაზარაძესთან, გადახედონ რა გამიკეთებია ჩემი ქვეყნისთვის. გადახედონ, სად ვიყავი წლების განმავლობაში და გადახედონ სხვების წარსულს. გარიყვების და გამორიყვების არ გვეშინია, გვეღიმება ამაზე. ვიცით ჩვენი გეზი და დავიწყებთ იმაზე საუბარს, რაც ამ ქვეყანას რეალურად აწუხებს. ამდენი ხანია ველაპარაკებით ოპოზიციას და თვითონ არ იციან, რა უნდათ. ერთი თავგზააბნეული ხალხია”
კომენტარები