“ენმ”-ის ერთ-ერთი ლიდერი, ეკა ხერხეულიძე, “მთავარ არხთან” ამბობს:
“ჩვენი პოზიცია უცვლელია, სააკაშვილი საჭიროებს სასწრაფო, დაუყოვნებლივ მკურნალობას… მაგრამ ახლა უკვე აღარ ვიცი რას სააჭიროებს.. მე დღეს ის ვნახე უკიდურეს, კრიზისულ სიტუაციაში და მეძნელება წარმოდგენა… არ ვიცი, რიოგორ არის.,.. იმაზე ცუდად, ვიდრე მე ის დავტოვე გორის ჰოსპიტალში, ძნელად წარმოსადგენია ადამიანი იყოს. გასარკვევია მისი მდგომარეობა როგორია, დაუყოვნებლივ უნდა შეუშვან ვინმე… ვიღაცამ უნდა გვითხრას, რომ ის ცოცხალია, პირველ რიგში და გეტყვით რატომ ვამბობ ამას…
მიხეილ სააკაშვილს აქვს ნათქვამი, რომ როგორ ადრე, ის საკუთარი ნებით, არც ერთ შემთხვევაში არ გაყვება საბადრაგო სამსახურს – ეს ნიშნავს, რომ იგივენაირად ძალადობაა განხორციელებული, იგივენაირად გატაცებულია და რაც მთავარია, თუ მას იძულებით დააბრუნებენ ციხეში, ის დაიწყებს შიმშილობას – პირდაპირ გეუბნებით, ვერ გაუძლებს, გამორიცხულია. მისი მდგომარეობა ისეთია, წინააღმდეგობის თავიც არ ექნებოდა… მე არ ვიცი დღეს რა მოხდა, როგორ მოახერხეს ამ ადამიანის გადმოყვანა და რამხელა რისკი აიღეს საკუთარ თავზე.”
ეკა ხერხეულიძის თქმით, ადგილზე, რუსთავის მე-12 ციხესთან ელოდებიან სახალხო დამცველის წარმომადგენლის მისვლას, რომელიც, სავარაუდოდ, მოახერხებს ციხეში შესვლას და სააკაშვილის მონახულებას.
ადგილზეა სააკაშვილის ადვოკატი, ნიკა გვარამიაც, რომელიც არ აკეთებს კომენტარს და მხოლოდ იმას ამბობს, რომ მას შემდეგ, რა მდგომარეობაშიც ბოლოს ნახა მიხეილ სააკაშვილი, მისთვის ახლა მთავარია გაიგოს, ცოცხალია, თუ არა.
კომენტარები