“ვიღაც ჩოხოსანი ჩემ შვილიშვილს გამოეკიდა, ამ სიმხეცეს რა საერთო აქვს ღმერთთან?” – ქეთი დოლიძე

ქეთი დოლიძე რუსთაველის გამზირზე მიმდინარე მოვლენებს ეხმაურება:

“ჩემი შვილიშვილი მოდიოდა, ჩემთან სახლში, ბაზალეთის ქუჩაზე! გამოეკიდა ვიღაც ჩოხოსანი, დააგდო ეზოში, ჩემს ეზოში! ეს რა მხეცობა, ლუკას და ორ მის მეგობარს აი ესე უაზროდ გამოეკიდა ვიღაც მხეცი! აი ამას ვამბობ, პროვინციალიზმი უკიდეგანო, აგრესიული პროვინციალიზმი თან! ვინ საიდან მოდის და მიდის უკვე არავინ იცის! ეს არის გაუნათლებლობა სიბნელე და უბედურება!

საით მიდიხართ, ხალხო? რა ხდება? ვინ გაგიჟებთ?

ასე იცავთ “ქართველობას”?

რა აქვს ამ სიმხეცეს საერთო ღმერთთან, ან რწმენასთან, ან ადამიანობასთან???? ამას ვინ მართავს, ის არის ყველაზე დიდი დამნაშავე დღეს!!!”