(ვიდეო) – ვიცი, რომ ვიღაცეებს ეწყინებათ… რომელი ერთიანობა? ვისთან ერთიანობა? – თაკო ჩარკვიანი

“კანონი და სამართლის” ლიდერი, თაკო ჩარკვიან, “მთავარ არხთან” ამბობს:

“ამ ბუნდოვან დოკუმენტს არ უნდა მოვაწეროთ ხელი. ჩვენ ქუჩაში გამოვედით ვადამდელი არჩევნების გამო.

ამერიკის შეერთებული შტატების სენატში გარკვევით თქვეს, რომ სასამართლოში კლანია და ოლიგარქიული მმართველობა მძლავრობს ქვეყანაში. სასამართლოში კლანია ნიშნავს, რომ კორუმპირებულია სასამართლო. არ გვესმის რატომ შეიძლება დასავლელი პარტნიორების გაღიზიანება გამოიწვიოს იმან, რომ ჩვენ გვინდა არ იყოს სასამართლოში კლანი და ოლიგარქიული მმართველობა – ეს დოკუმენტი ამას ვერ გააკეთებს. მართლმსაჯულების რეფორმებს ხელს არ შეუწყობს. სიტყვის მასალად რომ არ უნდა ვენდოთ, თავად ამ ოპოზიციისგან მსმენია, უთქვამთ, რომ გადაგდების ოსტატია ივანიშვილი, მარტის ხელშეკრულებაზე მთელი დიპლომატიური კორპუსი ჩვენთან ერთად გადაყარა.

ძლიერი დოკუმენტით თუ შედიხარ, სადაც ბერკეტი გაქვს რომ მაგალითად, პროკურატურის სისტემურ ცვლილებას მოახერხებ – კი. 5 წელი ვერაფერ ცვლილებას ვერ ახერხებ. თამარ ჟვანიაც კი არ იცვლება – იქ არ წერია! ვინ გადათვლის ხმებს?

გიორგი ვაშაძის გასაგონად ვიტყვი, ხშირად გვისაუბრია რომ ციფრული ტექნოლოგიები უნდა იყოს – სად არის ეს ციფრული ტექოლოგიები? არ ჩანს ამ დოკუმენტში. გკადრებენ იმას, რომ გვევაჭრონ პოლიტპატიმრებით. დღეს გაჟღერდა, შედით და გამოვუშვებთ.

უკეთესია ეს დოკუმენტიო და რასთან დაკავშირებითაა უკეტესი? პუნქტი მითხარით.

ზუსტად ვიცი, რომ ვიღაცეებს ეწყინებათ, რა ვქნა, ეს პროცესი არ მომწონს და მომწონს ერთი რამ ამ პროცესში, ეს არის ლუსტრაცია, გამოიკვეთება დასავლური ვექტორი. სანამ არ იტყვიან ვიღაცეები, რომ დავარქვათ შავს – შავი, თეთრს – ტეთრი, ფსევდოს – ფსევდო – ისე არ გამოვა. ეწყინოთ, ბოლო მომენტში გასრიალდნენ და შექანდნენ პარლამენტში და მე იმის უფლებაც არა მაქვს მათი სახე ვაჩვენოთ საქართველოს? რომელი ერთიანობა? იმასთან ერთიანობა, ვინც ღალატობს პრინციპებს და უგრძელებს ივანიშვილს ოლიგარქობას? გულწრფელად მენანებოდა ამ პრცესისთვის გიორგი ვაშაძე. არ ვიცი, მას თავისი გადაწვეტილება აქვს, შემიძლია ბევრჯერ ვურჩიო, მაგრამ არა – ათასჯერ. სამწუხაროა და დასანანია. მეგობრებად სულ დავრჩებით, მაგრამ ჩევნი გზები გაიყოფა. არ მიყვარს მე თამაში. მაპატიეთ, თამაშისთვის ამ გაუბედურებულ საქართველოს არ სცალია, მესმის ხალხის განრისხება…”