“გირჩის” ერთ-ერთი ლიდერი, დეპუტატი იაგო ხვიჩია, “ფორმულასთან” ამბობს:
“რაღაცეების მიმართ სკეპტიკური ვარ, რაღაცეების მჯერა… საერთოდ ყველგან რომ ტყუილია, როდესაც გეუბნებიან, რომ ერთი აცრაა საკმარისი, მერე ბუსტერი, მერე რაღაცა… აღმოჩნდება, რომ თვითონაც არაფერი იციან სინამდვილეში და შენ რაღაცას გავალდებულებენ.
მე ვიცი ის, რაც თანამედროვე მედიცინამ იცის ამწუთას. ვიცით, რომ სამყაროში არსებობს პანდემია, ვიცით, რომ აცრა არ გვაძლევს იმის ასპროცენტიან გარანტიას, რომ არ დაგვემართება, არც იმის ასპროცენტიან გარანტიას გვაძლევს, რომ არ გარდაიცვლები, მაგრამ ამცირებს გარდაცვალების შანსებს. ბევრი რამე ამცირებს გარდაცვალების შანსებს ზოგადად – ჯანსაღი ცხოვრების წესი, მაგალითად, მაგრამ ჩვენ ამას იძულებით ხომ არ ვთავაზობთ ადამიანებს?
მე აცრის კი არა, იძულების წინააღმდეგი ვარ.
ჩემი აზრით, დიდი შეცდომა იქნება სავალდებულო ვაქცინაცია, ისევე, როგორც დიდი შეცდომაა მწვანე პასპორტები. დაკავების შემთხვევებიც იყო, ადამიანები აყალბებდნენ მწვანე ბარათს – წარმოიდგინეთ რა წავახალისეთ? ადამიანები გახადეს კრიმინალები, ცარიელ ადგილას, ისე,რომ არაფერი ხდებოდა, ვიღაც ადამიანები ციხეში ჩავსვით. წარმოიდგინეთ ადამიანებს სჯერათ, რომ რაღაცას შეუყვან, ის გახდება ცუდი ადამიანი, ან მოკვდება, ან ჯოჯხეთში მოხვდება, მისი აზრით, ასე სჯერა, მილიონი მიზეზი შეიძლება ჰქონდეს, მას რომ სავალდებულო აცრას უკეთებ, წარმოიდგინეთ რამხელა ბოროტებაა, ამ ადამაიანზე რამხელა სტრესს ახდენ, თან რის გამო?
თუ გეშინია, რომ შენ არ გადმოგედოს და გჯერა, რომ აცრა დაგიცავს, შენ აიცერი, კაცო, იმას რას ერჩი?
გასულ წელს, როცა მედია ამბობდა, რომ დარჩით სახლში, რატომ აღარ აწერია ტელევიზიას, დარჩი სახლში? იმიტომ რომ მიხვდით, ეს სისულელეა. ასე დრო გჭირდებათ, რომ მიხვდეთ ეს სისულელეა და არც კოვიდპასპორტი იმუშავებს, უბრალოდ ჩვენ შეურაცხყოფა მივაყენეთ თანამემამულეებს და თვალებში ვერ უნდა ვუყურებდეთ, ვინც ამას მხარს უჭერს. მთავრობამ და ექიმების ნაწილმა თავს მოგვახვიეს და საზოგადოება დავყავით, უფრო მნიშვნელოვან და ნაკლებად მნიშვნელოვან ადამიანებად. … უნდა ვიტანდეთ თურმე, მე რომ კაფეში შევდივარ, ვიღაც ჩვენ თანამემამულეს, არ უშვებენ, იმ იმ კაფეში არ შევალ. ჩემნაირი მორალის ადამიანები ამაზე პროტესტს უნდა გამოხატავდნენ კაფის მესაკუთრესთანაც, დაცვასთანაც, მთავრობასთანაც და ნებისმიერ ადგილას.”
კომენტარები