პოლიტიკოსი, თაკო ჩარკვიანი, ბრიფინგს მართავს და ამბობს:
“სახელმწიფო ჩამოშლილია, ჩამოშლილია ყველა სტრუქტურა.
სახელმწიფო გვქონდა და სახელმწიფო არ გვაქვს, რუსეთზე მომუშავე მარიონეტის, ივანიშვილის ხელშია.
ყოფილი პრეზიდენტის მიხეილ სააკაშვილის დაბრუნება საქართველოში აუცილებლად მიმაჩნია და ამაზე დიდი ხანია ვსაუბრობ.
დღევანდელი დღე ჩემ პარტიას (კანონი და სამართალი) არ ეძღვნება. დღეს ფუძნდება საზოგადოებრივი მოძრაობა, არავითარი პარტია, ეს იქნება საზოგადოებრივი მოძრაობა, რომელსაც ქვია საერთო სახალხო მოძრაობა. ჩვენ უნდა დავაბრუნოთ მშვიდობიანად ქვეყანაში ის პრეზიდენტი, რომელმაც ქართული სახელმწიფო განავითარა. შექმნა დაბნელებული, ჩამოშლილი სახელმწიფოდან საქართველო, დააყენა ფეხზე.
დიახ, მოდის კოალიციური მთავრობა და საქართველოში უნდა შეწყდეს მიხეილ სააკაშვილის პოლიტიკური დევნა, უნდა დაუბრუნდეს მას საქართველოს მოქალაქეობა, რომელიც არასწორად ჩამოართვეს. უნდა მობრუნდეს, მივცეთ მუშაობის საშუალება, ის არის ბრწყინვალე რეფორმატორი, მან ეს უკვე დაამტკიცა. არ გავასამართლებინოთ იმ სასამართლოს, რომელიც მე თავად არ მომწონდა, როცა ოპოზიციაში ვიყავით.
დიახ, ახლა, დღეს შეიქმნა და დაფუძნდა საერთო სახალხო მოძრაობა, იმ პრეზიდენტის დასაბრუნებლად, რომელმაც საქართველო ააშენა და ააყვავა.
ერთადერთი პრობლემა საქართველოში სამართლებრივი სისტემაა, თუ სასამართლო სისტემის რეფორმას სჭირდება დრო, პროკურატურის რეფორმას რამდენიმე დღე ეყოფა. საქართველო ვინ მოგცა შვილი დასაკარგავი, ასე გავიზარდე და საქართველოში უნდა დაბრუნდეს დევნილი პრეზიდენტი!
ვერ ვითმენ რომ არ ვთქვა, მილიარდები მიიზიდა მან უკრაინაში, არ მინდა ივანიშვილის დაპირებას დაემსგავსოს და ვერც დამემსგავსება, რადგან განსხვავებით ივანიშვილისა, მან ააშენა თელავი, ბათუმი, ყვარელი და სხვა… სააკაშვილი ხელდამშვენებული შემოვა საქართველოში მრავალმილიარდიანი ინვესტიციით!
ემიგრაციას – ყველანი საქართველოსკენ, ყველანი საქართველოში. ოლიგარქი უნდა მოვაცილოთ მშვიდობიანად.
თუ არ შემოუშვებენ? – არის ასეთი კითხვა. ბოლომდე ბრძოლა იმისთვის, რომ სააკაშვილი მშვიდობიანად დაბრუნდეს და შემოიტანოს ინვესტიციები და უფსკრული ჩაირული საქართველო ფეხზე დააყენოს, ისევე როგორც 2003 წელს.”
კომენტარები